1 Korintus 6:19 - Porjanjian Boharu Torjomahan Baso Dilakng Soari-ari

¹⁹ Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

1 Korintus 6:19 ပူးပေါင်းရင်းမြစ်များ

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Yohanes 2:21

Apo Yesus co bomasud Rumah Allah nantai. Agatn pomandiran ‘Rumah Allah’, masud Sio bukakng-Nyo siku'.

2 Korintus 5:15

Masudnyo ubo ni'in: Kristus udah mati pakai' somuo urakng. Sio molabuhan nantai oca' boko urakng, inyo hidup, sia' co hidup pakai' monyonangan diri sia' siku', apo sia' hidup pakai' monyonangan Sio, ia'an Sio inyo udah mati ongko bobali' hidup agi' pakai' sia'.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

1 Korintus 6:3

Kaitn gola' tohu obai kito paca'an mohakipi boko molekat. Ongko, kito pan gola' mampu mohakipi boko pokaro dalapm hidup ni'in.

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”