1 Korintus 6:18 - Porjanjian Boharu Torjomahan Baso Dilakng Soari-ari

¹⁸ Jadi, jangan sokali-kali bomporajoan. Somuo dosa inyo bukai tojadi di luar bukakng-tubuh urakng nian. Apo urakng inyo bomporajoan, bodosa tohadap bukakng-tubuhnyo siku'.

1 Korintus 6:18 ပူးပေါင်းရင်းမြစ်များ

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

1 Tesalonika 4:3

Ninam kohonda' Allah oca' hidup kito mongkitn suci. Rotinyo, co ulih molaki-mbini bolupm dipojadi.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

2 Timotius 2:22

Timotius, padohan sonjumpat'an kolaku'an urakng muda' inyo jahat. Apo bousahacam oca' kolai bulah inyo bondar di hadapan Allah. Totap sotia ko Allah huatan kasihicam urakng bukai. Bousahacam oca' hidup damai agatn urakng bukai. Labuhancam somuo nantai bosamo agatn boko urakng inyo monyombah Tuhatn agatn hati inyo somombondarannyo.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

Efesus 5:3

Jangan bulah dosa bomporajoan. Jangan bulah boko hal inyo kinyo sonunuh. Jangan kaha'-kolobu'. Boko hal nantai samo sokali kinyo cucu' pakai' umant husus umputn Allah.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

1 Tesalonika 4:5

Jangan biaran diri kaitn dikuaso'i hawa napsu sama'an boko urakng inyo kinyo mongonal Allah.

Roma 1:24

Obai nantaiam, Allah mombiaran sia' dikuaso'i boko kohonda' hati sia' pakai' molabuhan inyo kotor. Jadi, sia' hala molabuhan boko hal inyo momaluan agatn bukakng sia'.

Galatia 5:19

Udah kotakng jolas boko porbuatan urakng inyo hidup sosuai agatn kohonda' diri inyo jahat. Sobagai contoh: Molaki-mbini di luar pokawitan, molabuhan inyo pomali, moikuti kohonda' diri siku',