1 Korintus 6:14 - Porjanjian Boharu Torjomahan Baso Dilakng Soari-ari

¹⁴ Allah udah mombulah Tuhatn Yesus bobali' hidup doi' komatian. Allah jam paca'an mombulah kito bobali' hidup agi' doi' komatian agatn kuaso-Nyo.

1 Korintus 6:14 ပူးပေါင်းရင်းမြစ်များ

2 Korintus 4:14

Obai, koi pocayo obai Allah inyo udah mombulah Tuhatn Yesus bobali' hidup, ubo nian jam paca'an bulah koi hidup agi' pakai' hidup kokal bosamo agatn Yesus. Allah paca'an mombaba' koi bosamo-samo agatn kaitn kopohadapan diri-Nyo.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

1 Tesalonika 4:14

Apo kito pocayo obai Yesus mati huatan udah bobali' hidup. Obai nantai, kito yakitn obai boko urakng pocayo ko Yesus inyo udah mati paca'an hidup agi' jam. Obai nantai, kito yakitn obai molalu'i Yesus, Allah paca'an mongumpulan boko urakng pocayo inyo udah mati bosamo-samo agatn Yesus.

1 Korintus 15:23

Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

2 Korintus 13:4

Memang Kristus ulih dihukupm mati di kayu salib obai Sio ado bukakng-tubuh inyo lomah samo sama'an monsio. Apo Sio hidup obai kuaso Allah. Ubo nian jam agatn koi. Koi lomah obai koi mondorita' samo sama'an Kristus. Apo, dalapm caro koi mohadapi kaitn, koi paca'an hidup bosamo Kristus dalapm kuaso Allah.