1 Korintus 6:1 - Porjanjian Boharu Torjomahan Baso Dilakng Soari-ari

¹ Ado borito obai siku' urakng di antaro kaitn botikakng agatn somadikan bukai. Io cado monyolosaian pokaro nian di antaro jomaat. Apo io malah mombaba' pokaro nian oca' diadili ulih urakng inyo bukai umputn Allah huatan co hidup bondar di hadapan Allah. Jangan sampai io borani molabuhan nian!

1 Korintus 6:1 ပူးပေါင်းရင်းမြစ်များ

Kisah Boko Rasul 19:38

Aman Demetrius ongko kawal korojonyo ado mosalah agatn siku' urakng, ado aturan pakai' monyolosaian mosalah nantai. Sia' gola' mombaba' pokaro nantai ko sidakng pongadilan. Ado boko hakipm inyo paca'an moadili pokaro antaro koduo pihak ni'in.

1 Korintus 14:33

Somuo komampuan doi' Roh Allah paca'an dipakai socaro toatur. Obai Allah kinyo mongohonda'i kokacauan. Sio mongohonda'i oca' kito ado kodamaian.

1 Korintus 16:1

Ni'inan aku honda' monulis mongona'i duit inyo paca'an dikumpulan pakai' monulukng boko jomaat di Yerusalem. Aku honda' oca' kaitn moikuti poraturan inyo udah ku onju' ko jomaat di doerah Galatia. Ni'innam poraturannyo:

1 Korintus 16:15

Boko somadikan, kaitn mongotohu'i Stefanus huatan koluarganyo. Sia' nantai boko urakng potamo di doerah Akhaya inyo pocayo ko Yesus. Sia' jam bousaha monulukng urakng bukai inyo pocayo. Jadi, aku momuhun oca' kaitn

Matius 5:45

Obai, Allah Bopai kaitn di sorugo monunju'an kasih-Nyo ko somuo urakng. Sio monumbuhan matoari pakai' urakng inyo jahat huatan urakng inyo boi'. Sio bulah hujatn turutn pakai' urakng inyo hidup bondar huatan urakng inyo hidup kinyo bondar di hadapan-Nyo. Jadi, aman kaitn botindak sama'an Sio, kaitn paca'an monjadi boko poana'an-Nyo.

1 Korintus 5:12

Allah paca'an mohakipi boko urakng inyo bolupm pocayo ko Yesus. Jadi, nian bukai urusan aku. Apo kaitn gola' mohakipi urakng bukai dalapm jomaat. Sama'an inyo totulis di Buku Suci: “Tundukng ja' urakng jahat doi' antaro kaitn.”

1 Korintus 6:5

Aku mongatoan sama'an ni'in oca' kaitn mooso malu. Pasti ado urakng di antaro kaitn inyo cukup pintar-corodi' pakai' bulah koputusan dalapm boko pokaro di antaro boko urakng pocayo.