1 Korintus 5:1 - Porjanjian Boharu Torjomahan Baso Dilakng Soari-ari

¹ Aku mondinga' borito obai ado urakng di antaro kaitn inyo bomporajoan. Io pan molabuhan dosa bomporajoan inyo kotakng kotor bondar, ia'an momporajoan agatn indai tirinyo! Boko urakng inyo bolupm mongonal Allah pan co sampai bomporajoan agatn indai tiri sia'.

1 Korintus 5:1 ပူးပေါင်းရင်းမြစ်များ

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 2:21

Aku udah moonju' botina' nantai watu pakai' moninggalan boko dosanyo. Apo, io co honda' botongga' bulah dosa bomporajoan.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Efesus 5:3

Jangan bulah dosa bomporajoan. Jangan bulah boko hal inyo kinyo sonunuh. Jangan kaha'-kolobu'. Boko hal nantai samo sokali kinyo cucu' pakai' umant husus umputn Allah.

Galatia 5:19

Udah kotakng jolas boko porbuatan urakng inyo hidup sosuai agatn kohonda' diri inyo jahat. Sobagai contoh: Molaki-mbini di luar pokawitan, molabuhan inyo pomali, moikuti kohonda' diri siku',

1 Tesalonika 4:7

Allah kinyo moningkau kito pakai' hidup dalapm dosa molaki-mbini bolupm dipojadi. Sio moningkau kito oca' kito hidup mongkitn suci.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

1 Korintus 6:18

Jadi, jangan sokali-kali bomporajoan. Somuo dosa inyo bukai tojadi di luar bukakng-tubuh urakng nian. Apo urakng inyo bomporajoan, bodosa tohadap bukakng-tubuhnyo siku'.

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

1 Korintus 5:11

Apo ni'in aku monulis oca' kaitn co bokawal agatn urakng inyo mongaku' pocayo ko Yesus, apo io ija' bomporajoan, ija' kaha', ija' monyombah lompatukng, gala' bojahat urakng bukai, gala' komabu'an, huatan ija' morampas barakng urakng. Jangan sampai makatn pan bosamo urakng sama'an nian.

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

2 Korintus 7:12

Timpu aku monulis surat nantai ko kaitn, tujuannyo bukainyo bayo pakai' urakng inyo bosalah nian damo pakai' urakng inyo disalahan. Sobondarnyo, tujuan ku oca' kaitn monjadi sadar di pohadapan Allah obai kaitn kotakan mongasihi koi.

1 Korintus 1:11

Boko somadikanku, aku bopandir ubo nian obai ado boko urakng doi' koluarga Kloe inyo momadahan ko aku mongona'i kaitn. Sia' momadahan obai kaitn hala botikakng.

2 Korintus 2:5

Mongona'i urakng inyo bulah ponyalu' komai, bukainyo ongkah aku am inyo salu' apo kaitn somuonyo pan salu' jam. (Mungkitn soboi'nyo aku mongatoan ‘sobagi'an doi' kaitn’ ja' oca' aku co mombosar-bosaran pokaro ni'in.)