1 Korintus 4:19 - Porjanjian Boharu Torjomahan Baso Dilakng Soari-ari

¹⁹ Apo aman Tuhatn mongohonda'i, aku paca'an copat datakng ko kaitn. Watu nantai, aku co paca'an borotian pomandiran boko urakng inyo buhau nantai. Aku honda' moniant aman sia' bondar-bondar ado kuaso Allah dalapm hidup sia'.

1 Korintus 4:19 ပူးပေါင်းရင်းမြစ်များ

Kisah Boko Rasul 19:21

Lopas nantai, obai bimbikan Roh Allah Paulus bulah hajat pakai' botula' ko Yerusalem. Dalapm pojalatan ko su'utn, io honda' molalu'i propinsi Makedonia huatan Akhaya oca' io ulih mondataki boko urakng pocayo di su'utn. Io pan honda' ko kota Roma. Katonyo, “Lopas jadi aku botula' ko Yerusalem, aku gola' mondataki Roma.”

Ibrani 6:3

Mara aman Allah moijitan kito maju ko boko polajaran inyo bukainyo.

2 Korintus 1:23

Jadi, aku moningkau Allah sobagai sasi inyo mongonal isi hatiku. Sio tohu obai ni'in bondar: Alasan ku co datakng ko Korintus obai aku co honda' bulah kaitn sakit hati agatn monogur kaitn.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

1 Korintus 4:18

Ado boboropo urakng di antaro kaitn inyo mongiro obai aku co paca'an datakng agi'. Obai nantai, sia' monjadi buhau.

1 Korintus 2:6

Apo di antaro boko urakng inyo bondar-bondar pocayo ko Yesus, koi memang mongajar mongona'i kopintar-corodi'an. Apo kopintar-corodi'an bukainyo doi' kopintar-corodi'an monsio di dunia ni'in, bukainyo doi' kopintar-corodi'an boko pomimpitn di dunia ni'in. Sia' paca'an dibonasoan.

Roma 15:32

Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

Yakobus 4:15

Jadi, soharusnyo kaitn bopandir sama'an ni'inan, “Aman Tuhatn moijitan, koi paca'an hidup huatan koi ulih molabuhan ni'in damo nianan.”

1 Korintus 16:5

Aku ija' honda' datakng ko kaitn apo aku ado hajat paca'an molalu'i doerah Makedonia doholu.

1 Korintus 14:5

Aku sonang aman kaitn somuo ulih bopandir pakai boko baso roh nantai. Apo lobih boi' agi' aman kaitn ulih monyampaian posatn-pontal doi' Allah. Obai, urakng inyo monyampaian posatn-pontal doi' Allah lobih boguno daripado bopandir pakai baso roh. Apo aman ado inyo monjolasan roti doi' pomandiran boko baso roh nantai, hoyu' pomandiran nantai boguno pakai' monguat'an urakng bukai inyo pocayo.

Kisah Boko Rasul 20:2

Io mondataki boko urakng pocayo di boko doerah di propinsi nantai. Io moonji'i banya' nosihat oca' sia' pocayo ko Yesus agatn lobih yakitn. Lopas nian, io botula' ko propinsi Akhaya, inyo jam disobut tanah Yunani.

1 Korintus 4:6

Boko somadikan, boko pomandiran inyo aku tulis ni'in bolaku pakai' diri aku siku' huatan Apolos. Tujuannyo oca' doi' toladatn koi, kaitn ulih bolajar roti ungkap'an ni'in: “Jangan mombosar-bosaran apo inyo totulis.” Agatn sama'an nian, kinyo ado di antaro kaitn inyo paca'an bopangkakng agatn moutamoan sikuꞌ urakng di atas urakng bukai.

2 Korintus 10:9

Aku co bomasud bogola'i kaitn agatn boko suratku.