1 Korintus 4:17 - Porjanjian Boharu Torjomahan Baso Dilakng Soari-ari

¹⁷ Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

1 Korintus 4:17 ပူးပေါင်းရင်းမြစ်များ

1 Korintus 16:10

Aman Timotius datakng ko kaitn, usahaancam oca' io kinyo mooso gola' agatn kaitn. Hormaticam io, obai io bokorojo pakai' Tuhatn, samo sama'an aku jam.

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

1 Korintus 16:1

Ni'inan aku honda' monulis mongona'i duit inyo paca'an dikumpulan pakai' monulukng boko jomaat di Yerusalem. Aku honda' oca' kaitn moikuti poraturan inyo udah ku onju' ko jomaat di doerah Galatia. Ni'innam poraturannyo:

1 Korintus 14:33

Somuo komampuan doi' Roh Allah paca'an dipakai socaro toatur. Obai Allah kinyo mongohonda'i kokacauan. Sio mongohonda'i oca' kito ado kodamaian.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

1 Korintus 7:25

Ni'inan, mongona'i boko urakng inyo bolupm kawitn. Aku co nyiant porintah doi' Tuhatn mongona'i nantai. Apo obai Sio monunju'an koboi'an-Nyo ko aku, ongko aku jadi urakng inyo ulih dipocayo moonji'i nosihat.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

2 Timotius 3:10

Apo kolai udah mongotohu'i ajaranku. Kolai udah moniru caro hidupku. Kolai udah pocayo ko Yesus samo sama'an aku. Kolai udah moikuti tujuan hidupku. Kolai udah moniant aku sabar agatn urakng bukai huatan mongasihi sia'. Kolai udah mongotohu'i obai aku totap kuat

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

Kolose 4:9

Aku moutus io bosamo agatn Onesimus, inyo boasal doi' tompat kaitn jam. Io nantai somadikan inyo sotia huatan ku kasihi. Sia' duo paca'an momadahan ko kaitn somuo inyo tojadi di si'itn.

Kolose 1:7

Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Filipi 2:19

Aku boharap Tuhatn Yesus tajahan mombulah oca' aku ulih hagar moutus Timotius ko kaitn. Agatn ubo nantai, hati ku tajahan tenang mondinga' borito mongona'i kaitn doi' io.

Efesus 6:21

Aku moutus Tikhikus ko kaitn. Io ia'an somadikan kito inyo tokasih. Io sotia molayati Tuhatn. Aku moutus io oca' kaitn mongotohu'i borito mongona'i aku ongko boko somadikan inyo ado bosamoku. Io paca'an momadahan somuonyo ko kaitn. Agatn sama'an nantai, io paca'an monguat'an hati kaitn.

1 Korintus 11:16

Aman ado urakng inyo honda' bopandir molawatn kobiasa'an ni'in, gola' diingant'an, koi co nyiant kobiasa'an inyo songkayo doi' nantai. Somuo kumpulan urakng pocayo monuruti kobiasa'an nantai.

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

Matius 25:23

Lalu habakngnyo nantai bopandir ko io, ‘Boi'! Kolai hulutn inyo boi' huatan sotia. Obai kolai dapat dipocayo'i agatn urusan inyo kocit, jadi aku paca'an moonju' kuaso ko kolai pakai' urusan inyo bosar. Mara mansu'. Bosonang-sonang bosamo agatn aku!’

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

1 Korintus 4:2

Tugas utamo doi' polayatn Tuhatn ia'an sio gola' ulih dipocayo

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

1 Korintus 4:14

Aku monulis boko hal kinyo pakai' bulah kaitn malu, apo aku honda' monogur kaitn samo sama'an boko ana'ku inyo ku kidah.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

2 Korintus 8:18

Kinyo haja' Titus, koi pan moutus siku' somadikan koi ko kaitn. Somuo jomaat mohormati io obai io monulukng dalapm polayatan momboritoan Kabar Boi'.

Filipi 2:22

Kaitn siku' udah tohu obai Timotius kotakan boguno. Io udah bogota' humpas-pulas bosamo agatn aku pakai' momboritoan Kabar Boi'. Io monulukngku samo sama'an ana' monulukng bopainyo.

1 Timotius 1:18

Timotius, kolai sama'an ana'ku siku'. Ingant watu komai ado inyo momadahan posatn doi' Allah mongona'i diri kolai. Ni'in aku monugasan kolai: Gunoan cam posatn nantai pakai' molawatn kojahatan huatan usahaancam inyo boi' agatn hala pocayo agatn hati nurani inyo suci.

Titus 1:5

Aku udah moninggalan kolai di pulau Kreta oca' kolai ulih monjadi'i pokoroja'an inyo ija' pontikng dikorojoan. Kolai gola' momilih boko ponotua' pakai' momimpitn sotiap jomaat di boko kota di pulau Kreta. Kolai gola' momilih ponotua' sosuai agatn boko potunju' ni'in inyo udah ku onju' ko kolai: