1 Korintus 4:12 - Porjanjian Boharu Torjomahan Baso Dilakng Soari-ari

¹² Koi bokorojo koras agatn longan koi siku' monuntukan kopontikan hidup koi. Timpu koi dikutu' boko urakng, koi totap momborokati sia'. Timpu koi didorako'i koi totap tahatn sabar mohadapinyo.

1 Korintus 4:12 ပူးပေါင်းရင်းမြစ်များ

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Matius 5:44

Apo Aku moonju' porintah ni'in ko kaitn: Kasihicam musuh kaitn. Bodoacam pakai' urakng inyo mondorako'i kaitn.

Lukas 23:34

Lalu Yesus bodoa, “Bopai, amputi sia' inyo monyobab'an Aku sampai dihukupm mati di kayu salib! Sia' co tohu la'apo inyo sia' pulah.” Lalu, boko projurit monguti' pakai'an Yesus. Sia' boundi pakai' monontuan sopo inyo tajahan mondapat'an pakai'an-Nyo.

Lukas 6:28

Borokati urakng inyo monyumpah kaitn. Huatan doa'an urakng inyo hala bulah kojahatan ko kaitn.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

Kisah Boko Rasul 18:3

Pokoroja'an sia' samo sama'an Paulus. Sia' bulah tenda pakai' dijual. Jadi, Paulus tinggal huatan bokorojo bosamo sia'.

Kisah Boko Rasul 20:34

Kaitn siku' tohu obai aku bokorojo pakai' momonuhi somuo kopontikan aku. Aku bokorojo bulah kemah agatn bokorojo siku'. Doi' pokoroja'an nantai, aku mondapat'an cukup pakai' boko kawal inyo molayati bosamo agatn aku jam.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

Roma 12:14

Aman ado boko urakng inyo mondorako'i kolai, mintocam ko Allah oca' Sio momborokati sia'. Au, mintocam oca' Allah momborokati sia'. Jangan minto oca' Allah mohukupm sia'!

Roma 12:20

Jadi, daripado kaitn mombalas, aman musuh kaitn kolaparan, onji'i io pomakatn. Aman io korahakan, onji'i io minum. Agatn caro ubo nantai, somadikan tajahan bulah io malu.

Roma 8:35

Conyiant ado la'apo pan inyo ulih monyongkayoan kito doi' kasih-Nyo. Aman kito mohadapi kosusahan damo ajab sonsaro, aman ado urakng inyo mondorako'i kito, aman kito conyiant pomakatn, conyiant ado pakai'an, aman kito mohadapi bohayo damo kito dibunuh, somuonyo nantai culih monyongkayoan kito doi' kasih Kristus.

1 Korintus 9:6

Urakng bukai inyo molayati kaitn kinyo gola' bogoyap pogota'an bukai pakai' moncukupi kopontikan hidup. Jadi, sobondarnyo aku huatan Barnabas pan bohak pakai' mondapat'an ungkus hidup soari-ari doi' kaitn.

2 Korintus 11:8

Timpu aku molayati kaitn, aku monorima' duit doi' boko jomaat inyo bukai. Ubonyo aku ‘mongolit’ doi' sia' oca' aku ulih molayati kaitn modas.

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

2 Tesalonika 3:8

Koi co kalo makatn co bobayar. Koi uyuh jorih bokorojo siakng malapm pakai' momonuhi kopontikan koi siku'. Jadi, koi co kalo mouyuhi kaitn.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

1 Petrus 2:23

Pas urakng momojah sio, Sio co mombalas momojah sia'. Pas urakng monyisa Sio, Sio co moancapm. Apo Sio monyorahan pokaro-Nyo ko Allah inyo hala mohakipi agatn adil.

1 Petrus 3:14

Apo, mungkitn tajahan ado boko urakng inyo monyakiti kaitn obai kaitn bulah kobondaran di hadapan Allah. Aman ubo nian, kaitn tajahan diborokati. Jadi, jangan gola' agatn sia'. Jangan kuatir,

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

1 Petrus 4:19

Obai nantai, aman boko urakng mondorita' obai nantai kohonda' Allah, jangan am sia' botongga' bulah koboi'an. Apo sia' gola' monyorahan diri ko Sio inyo mombulah sia'. Sio hala sotia monopat'i somuo janji-Nyo.

Yudas 1:9

Mikhael ia'an pomimpitn molekat, apo io siku' kinyo mohayam sama'an sia'. Timpu, sio botikakng mulut agatn Rajo Sitatn mongona'i bangkai Musa, Mikhael kinyo bopikir io ado kuaso pakai' mohukupm Rajo Sitatn agatn mohayamnyo. Sobali'nyo, io bopandir, “Kironyo Tuhatn siku' paca'an mohukupm kolai!”