1 Korintus 4:11 - Porjanjian Boharu Torjomahan Baso Dilakng Soari-ari

¹¹ Malahan sampai watu ni'in, koi kolaparan ongko korahakan. Pakai'an inyo koi kona'an udah buru'am. Koi hala dipoduda'an. Koi co nyiant kodiapan obai hala bojalatn konuang-konaing momboritoan Kabar Boi'.

1 Korintus 4:11 ပူးပေါင်းရင်းမြစ်များ

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Kisah Boko Rasul 16:23

Opat sia' dipantu' kotakan kuat. Ongko, sia' dimansu'an ko dalapm ponjara. Boko pojabat kota monyiuh kopala' ponjara oca' monjago sia' agatn ketat.

Kisah Boko Rasul 23:2

Ananias, Imam Kopala' inyo palikng bokuaso, ado di santai. Watu io mondinga' pomandiran Paulus nantai, io monyiuh oca' siku' urakng inyo bodiritn di sopia' Paulus monompilikng tutu'-mulutnyo.

Roma 8:35

Conyiant ado la'apo pan inyo ulih monyongkayoan kito doi' kasih-Nyo. Aman kito mohadapi kosusahan damo ajab sonsaro, aman ado urakng inyo mondorako'i kito, aman kito conyiant pomakatn, conyiant ado pakai'an, aman kito mohadapi bohayo damo kito dibunuh, somuonyo nantai culih monyongkayoan kito doi' kasih Kristus.

1 Korintus 9:4

Sobondarnyo koi bohak pakai' mondapat'an pomakatn huatan minum doi' boko urakng pocayo inyo koi layati.

2 Korintus 11:20

Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.

2 Korintus 4:8

Hala ado boko urakng molawatn koi, apo koi co monyorah. Koi opat co tohu lapo inyo gola' koi labuhan, apo koi co putus asa.

Filipi 4:12

Aku udah moalapi hidup kokurakan ongko hidup bokolobihan. Aku udah mongotohu'i rahasianyo pakai' mohadapi somuo koadaan nantai. Aman aku konyang bodamo kolaparan, aman aku ado kolobihan doi' inyo dipontikan damo kurakng,

2 Timotius 3:11

watu aku mohadapi ajab sonsaro huatan watu urakng mondorako'iku. Kolai moingant agatn jolas la'apo inyo tojadi di kota Antiokhia, Ikonium, ongko Listra. Di su'utn, aku didorako'i agatn bomacapm caro. Apo Tuhatn monyolamant'an aku doi' somuonyo nantai!