1 Korintus 3:23 - Porjanjian Boharu Torjomahan Baso Dilakng Soari-ari

²³ Apo somuo kaitn umputn Kristus. Huatan Sio pan umputn Allah.

1 Korintus 3:23 ပူးပေါင်းရင်းမြစ်များ

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

1 Korintus 15:23

Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

1 Korintus 11:3

Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

Yohanes 17:18

Samo sama'an Duatn udah moutus Aku ko dunia, ubo nian jam Aku moutus sia' ko dunia.

2 Korintus 10:7

Kaitn gola' bopikir boboi' mongona'i lapo inyo kaitn kotohu'i. Aman ado urakng inyo yakitn mongotohu'i obai io nam umputn Kristus, urakng nian gola' mongotohu'i ni'in: Koi pan umputn Kristus jam samo sama'an io jam.

Roma 14:8

Apo, aman kito hidup, kito hidup pakai' Tuhatn. Aman kito mati, kito mati pakai' Tuhatn. Jadi, aman kito hidup damo mati, kito ia'an umputn Tuhatn.

Yohanes 17:21

Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

1 Korintus 8:6

Apo pakai' kito, bayo ado siku' mo Allah, ia'an Allah Bopai kito. Sio inyo monjadian somuo hal. Kito hidup pakai' monyombah Sio. Pakai' kito, bayo ado siku' Tuhatn, ia'an Yesus Kristus. Somuo hal dipulah molalu'i Yesus Kristus. Kito bodapat hidup inyo sobondarannyo obai Yesus Kristus.

1 Korintus 7:22

Obai, watu siku' urakng hulutn ditingkau Tuhatn, io monjadi siku' urakng bebas dalapm pomandakan Tuhatn. Ubo nian jam, watu siku' urakng bebas ditingkau, io monjadi siku' urakng hulutn inyo molayati Kristus.

Efesus 1:10

Ninam hajat Allah nantai: watu inyo udah ditontuan-Nyo, Sio paca'an mombulah somuo hal di sorugo ongko di bumi monjadi sodoirmo huatan Kristus bokuaso di pucu' somuonyo.

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

1 Korintus 15:28

Malah sobali'nyo, lopas somuo hal ditundu'an dibabah kaki Kristus, jadi Sio siku' sobagai Ana' paca'an monundu'an diri-Nyo siku' di babah Allah. Agatn sama'an nian, Allah pan paca'an momorintah somuonyo.