1 Korintus 2:14 - Porjanjian Boharu Torjomahan Baso Dilakng Soari-ari

¹⁴ Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

1 Korintus 2:14 ပူးပေါင်းရင်းမြစ်များ

1 Korintus 1:18

Ado boko urakng inyo paca'an bonaso. Sia' bopikir obai borito mongona'i Kristus mati di kayu salib nantai sosuatu inyo co nyiant rotinyo. Apo pakai' kito inyo disolamant'an, kabar mongona'i Kristus mati di kayu salib monunju'an kuaso Allah.

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

1 Korintus 15:46

Porotiancam urutannyo! Inyo jasmani datakng doholu. Hoyu' lopas nian inyo rohani datakng.

Yudas 1:19

Boko urakng nantai gala' bulah kaitn topocah-bolah. Sia' kinyo dikuaso'i Roh Allah, apo dikuaso'i boko kohonda' dunia.

Yakobus 3:15

‘Hikmat’ sia' nantai bukainyo hikmat doi' Allah. ‘Hikmat’ sia' nantai doi' dunia, doi' napsu monsio huatan doi' roh jahat.

1 Yohanes 2:20

Apo kaitn udah monorima' Roh Allah doi' Sio Inyo Kudus. Nantai obainyo kaitn somuo mongotohu'i inyo bondar.

1 Korintus 15:44

Watu bukakng-tubuh urakng dipasar, bukakng-tubuh nantai bukakng-tubuh jasmani. Apo watu bukakng-tubuh urakng dihidupan agi', bukakng-tubuh nantai bukakng-tubuh rohani. Obai ado bukakng-tubuh jasmani, ongko pasti ado bukakng-tubuh rohani jam.

1 Korintus 2:12

Jadi, kito kinyo monorima' roh inyo boasal doi' dunia ni'in. Molaitan kito monorima' Roh Allah. Agatn sama'an nian, kito ulih mongoroti somuo koboi'an inyo dionju' Allah ko kito.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 5:44

Nantai obai kaitn gala' hala bogoyap kohormatan doi' sosamo kaitn mo. Apo kaitn co kalo goyap pujian doi' Allah inyo satu-satunyo inyo bondar. Aman ubo nian, pasti kaitn co pocayo agatn Aku!

Matius 16:23

Yesus mongilikng ko Petrus. Kato-Nyo, “Jangan kolai monjadi sama'an Rajo Sitatn mohalak-halaki Aku momonuhi roncana Allah. Kolai sonjumpat'an pikiran monsio, bukainyo pikiran Allah!”

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Kisah Boko Rasul 16:14

Salah siku' doi' sia' nantai ponjual koitn ungu inyo mahal. Damonyo Lidia. Io boasal doi' kota Tiatira. Io nantai bukai urakng Yahudi apo udah monjadi urakng inyo pocayo agatn Allah. Watu Paulus mongajar boko botina' nantai, Tuhatn bulah hati Lidia monorima' ajaran Paulus. Jadi, io pocayo ajaran Paulus mongona'i Yesus.

Yohanes 8:43

Mapo kaitn co mongoroti pomandiran-Ku? Ninam sobabnyo: Obai kaitn co honda' mondinga' bobondar ajaran-Ku.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Kisah Boko Rasul 25:19

Mosalahnyo bayo mongona'i ajaran agama sia' mo. Ado jam mosalah agatn siku' urakng inyo bodamo Yesus. Io udah mati. Apo Paulus bopandir agatn togas obai Yesus hidup.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Kisah Boko Rasul 18:15

Apo ni'in bayo mosalah pomandiran, kata'an mosalah namo, kata'an mosalah hukupm kaitn ja'. Biar kaitn mourus siku' mosalah ni'in. Aku co honda' moadili mosalah sama'an ni'in.”

Kisah Boko Rasul 17:32

Timpu boko urakng nantai mondinga' Paulus bopandir obai ado Urakng inyo kalo bobali' hidup doi' komatian, ado di antaro sia' inyo boulu'an Paulus. Apo inyo bukai bopandir, “Hobu'-luso cam, koi mondinga'an kolai bopandir agi' mongona'i hal ni'in.”

Yohanes 10:20

Banya' doi' sia' inyo bopandir, “Sio nian gogilo obai korasu'an sitatn! Jangan kaitn mondinga'an Sio!”

Kisah Boko Rasul 17:18

Ongko boboropo urakng Yunani inyo pintar-corodi' nantai mula'i botikakng agatn io. Ado inyo doi' kolompok Epikuros. Ado jam doi' kolompok Stoa. Sobagi'an sia' bopandir mongona'i Paulus. Kato sia', “Pomandiran urakng budu nantai kinyo mansu' akal.” Apo inyo bukai bopandir, “Ruponyo io bopandir mongona'i boko duato inyo bolupm kito konal.” Sia' momandiran nantai obai Paulus momboritoan Kabar Boi' mongona'i Yesus huatan sama'an apo boko urakng ulih bobali' hidup doi' komatian.

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

1 Korintus 1:25

Obai, hajat Allah inyo kotiat'annyo kinyo ado rotinyo, sobondarnyo lobih pintar-corodi' doi' kopintar-corodi'an monsio. Porbuatan Allah inyo kotiat'annyo lomah, sobondarnyo lobih kuat doi' kokuatan monsio.

1 Korintus 3:1

Boko somadikan, timpu aku bosamo kaitn, aku kinyo ulih mongajar kaitn sama'an boko urakng inyo dikuaso'i Roh Allah. Aku gola' mongajar kaitn sama'an boko urakng inyo hidup socaro monsio. Obai watu nantai kaitn samo sama'an boko ija' bobia' dalapm Kristus