1 Korintus 16:9 - Porjanjian Boharu Torjomahan Baso Dilakng Soari-ari

⁹ Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.

1 Korintus 16:9 ပူးပေါင်းရင်းမြစ်များ

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

1 Korintus 15:32

Di kota Efesus, aku bojuakng molawatn boko urakng inyo kotakng ganas. Sia' samo sama'an bonatakng ganas. Doi' pondapat monsio, pasti co nyiant untukng pakai' aku aman molabuhan nantai. Aman Allah co paca'an bulah urakng mati dihidupan agi' doi' komatian, ongko lobih boi' kito moikuti pomandiran ni'in: “Hobu'-luso kito paca'an mati. Jadi, lobih boi' kito makatn, minum huatan bosonang-sonang.”

2 Korintus 1:6

Timpu koi mohadapi pondorita'an dalapm polayatan koi, tujuannyo oca' hati kaitn dikuatan ongko oca' kaitn dapat disolamant'an. Timpu hati koi dikuatan, tujuannyo oca' hati kaitn dikuatan jam. Agatn ubo nantai, kaitn dapat botahatn dalapm mohadapi pondorita'an samo sama'an pondorita'an inyo koi alapi jam.

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

Filipi 3:18

Obai, ado banya' urakng inyo hidupnyo morusa' roti komatian Kristus di kayu salib. Aku udah opat am momadahi kaitn mongona'i nantai. Watu ni'in aku kapikng monangis, momadahi kaitn mongona'i nantai agi'.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.