1 Korintus 16:3 - Porjanjian Boharu Torjomahan Baso Dilakng Soari-ari

³ Aman aku datakng, kaitn gola' momilih boboropo urakng inyo kaitn anggap ulih dipocayo'i. Aku paca'an moutus sia' pakai' moonju'an sumbakan kaitn nantai ko Yerusalem. Sia' paca'an mombaba' surat poonju' jam.

1 Korintus 16:3 ပူးပေါင်းရင်းမြစ်များ

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

2 Korintus 8:4

Doi' hati sia' siku' sia' muhun bondar, ko koi aman sia' suba'mo monulukng moonji'i sumbakan ko boko umant Allah di Yerusalem.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

1 Korintus 16:4

Aman pontikng aku botula' jam, ongko sia' paca'an botula' bosamo aku.

2 Korintus 3:1

Jangan bopikir koi mula'i momuji diri koi siku'. Boko urakng bukai nantai pontikng surat inyo momuji koboi'an sia' oca' kaitn pocayo ko sia'. Damo sia' pontikng surat doi' kaitn oca' urakng bukai pocayo sia'. Apo koi samo sokali co pontikng surat nantai.