1 Korintus 16:22 - Porjanjian Boharu Torjomahan Baso Dilakng Soari-ari

²² Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

1 Korintus 16:22 ပူးပေါင်းရင်းမြစ်များ

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

Yohanes 14:21

Sotiap urakng inyo monorima' boko porintah-Ku huatan molabuhannyo jam, io ia'an urakng inyo bondar-bondar mongasihi Aku. Sotiap urakng inyo mongasihi Aku, io paca'an dikasihi Bopai-Ku. Aku pan paca'an mongasihi io. Aku paca'an moniant'an diri-Ku ko io.”

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

1 Yohanes 4:19

Kito gola' mongasihi, obai Allah lobih doholu mongasihi kito.

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

1 Petrus 2:7

Yesus Kristus kotakan borogo pakai' kaitn inyo pocayo. Sio samo sama'an Batu inyo pontikng. Apo pakai' urakng inyo kinyo pocayo bolaku samo sama'an inyo totulis di dalapm Buku Suci, “Ado Batu inyo dibuakan boko tukakng bangunan. Apo, Batu nantai udah monjadi Batu ponjuru.”

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

1 Korintus 12:3

Obai nantai, aku gola' mongajar kaitn mongona'i ubo apo caro Roh Allah bokorojo dalapm hidup urakng inyo pocayo. Aman ado urakng inyo bondar-bondar dikuaso'i Roh Allah, pasti urakng nantai kinyo paca'an bopandir, “Yesus cucu'mo dihukupm!” Sobali'nyo, aman ado urakng inyo bopandir, “Yesus nantai Tuhatn inyo bokuaso!” pasti urakng nantai bondar-bondar dikuaso'i Roh Allah.

Kisah Boko Rasul 23:14

Jadi, sia' botula' ko boko imam kopala' huatan boko pomimpitn Yahudi inyo bukai. Sia' momadahan hajat sia' nantai. Kato sia', “Koi udah bosumpah ko Allah obai koi co paca'an makatn damo minum sobolupm koi bohasil mombunuh Paulus.

Yohanes 16:14

Sio paca'an momboritoan ko kaitn pomandiran inyo Sio torima' doi' Aku. Agatn caro nantai, Sio paca'an momuliaan Aku.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.