1 Korintus 16:18 - Porjanjian Boharu Torjomahan Baso Dilakng Soari-ari

¹⁸ Obai, sia' monyonangan hatiku, samo sama'an sia' monyonangan hati kaitn. Obai nantai, hormaticam sia' huatan urakng bukai samo sama'an sia'.

1 Korintus 16:18 ပူးပေါင်းရင်းမြစ်များ

Filemon 1:7

Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.

2 Korintus 7:13

Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

1 Tesalonika 5:12

Boko somadikan, ado boko urakng inyo bokorojo koras pakai' molayati Tuhatn di antaro kaitn. Sia' momimpitn kaitn huatan momadahi kaitn oca' co bulah dosa. Sia' moingant'an kaitn oca' kaitn co bulah dosa. Koi muhun oca' kaitn morogo'i sia'.

Kolose 4:8

Aku moutus io ko kaitn oca' kaitn mongotohu'i koadaan koi, huatan oca' io ulih monguat'an hati kaitn.

Roma 15:32

Agatn ubo nantai, aman Allah moijitan, aku tajahan datakng ko kaitn agatn sonang hati. Timpu aku bosamo kaitn, bukakng ongko hati ku dapat dikuatan agi'.

3 Yohanes 1:4

Conyiant ado hal bukai inyo bulah ku lobih sonang daripado mondinga' obai boko poana'anku hidup sosuai agatn ajaran inyo bondar.

Filemon 1:20

Oi, Somadikanku! Ku harap kolai monjadi boguno bagiku obai kito somadikan dalapm Tuhatn Yesus Kristus. Hiburcam hatiku agatn monorima' Onesimus agi'.

Ibrani 13:7

Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.