1 Korintus 15:9 - Porjanjian Boharu Torjomahan Baso Dilakng Soari-ari

⁹ Obai, di antaro somuo rasul, aku inyo palikng nyiant pasalnyo. Aku kinyo cucu' disobut rasul, obai komainyo aku mondorako'i boko urakng inyo pocayo ko Yesus.

1 Korintus 15:9 ပူးပေါင်းရင်းမြစ်များ

1 Korintus 10:32

Jangan molabuhan sosuatu inyo monyinggukng hati urakng bukai, boi' nantai urakng Yahudi, sama'an nian jam urakng Yunani huatan boko urakng dalapm kolompok urakng inyo pocayo ko Yesus.

2 Korintus 11:5

Kaitn moanggap sia' nantai boko rasul inyo luar biaso. Apo, monurutku, sia' co lobih hebat doi' aku.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

Galatia 1:13

Apo, sobolupm aku pocayo ko Yesus, aku hidup sosuai agatn agama Yahudi. Kaitn udah mongotohu'i caro hidupku sokomai dalapm agama Yahudi nantai. Aku kotakan mondorako'i boko urakng inyo pocayo ko Yesus. Aku bousaha pakai' mombonasoan sia'.

Galatia 1:23

Sia' bayo mondinga' borito mongona'i aku. Ado boko urakng inyo momandiran, “Sokomai io mondorako'i obai koi pocayo ko Yesus. Io bousaha pakai' mombonasoan koi. Apo ni'inan io siku' momboritoan Kabar Boi' mongona'i Yesus nantai, Kabar Boi' inyo komai honda' io bonasoan.”

Filipi 3:6

Aman urakng bukai honda' momuji diri obai sia' boagama agatn giat, aku bondar-bondar giat ia'an pan komai aku mondorako'i boko urakng inyo pocayo ko Yesus. Aman urakng bukai honda' momuji diri obai sia' hidup agatn caro inyo bondar-bondar monaati Hukupm Torat, aku cuku cacat dalapm monaati Hukupm Torat.