1 Korintus 15:8 - Porjanjian Boharu Torjomahan Baso Dilakng Soari-ari

⁸ Ponsuahannyo toahir, Yesus moniant'an diri Sio ko aku. Aku monjadi rasul di watu inyo songkayo doi' boko rasul bukainyo. Samo sama'an bobia' kocit inyo lahir di watu inyo kinyo topat.

1 Korintus 15:8 ပူးပေါင်းရင်းမြစ်များ

Kisah Boko Rasul 18:9

Pado suatu malapm, Paulus ado poniant'an. Tuhatn bopandir ko io, “Jangan gola'! Torus ja' momboritoan Kabar Boi'. Jangan botongga' momboritoan mongona'i hal nantai.

Kisah Boko Rasul 22:14

Ongko Ananias bopandir ko aku, ‘Allah angki-bayatn kito udah momilih kolai pakai' mongotohu'i kohonda'-Nyo, pakai' moniant Yesus inyo hala hidup bondar di hadapan Allah, pakai' jam mondinga' saro-Nyo doi' nyao Sio siku'.

Kisah Boko Rasul 22:18

Dalapm poniant'an nantai Tuhatn bopandir ko aku, ‘Boko urakng Yahudi di si'itn kinyo paca'an pocayo pomandiran kolai mongona'i Aku. Jadi, kolai gola' hagar botula' doi' Yerusalem ni'in.’

Kisah Boko Rasul 22:6

Apo, dalapm pojalatan aku ko su'utn ado sosuatu inyo tojadi. Watu tongah ari aku udah dampikng kota Damsyik nantai. Sopongirap ado cohayo doi' langit. Cohayo nantai momanjah sokolilikng aku.

Kisah Boko Rasul 26:12

Nanam alasan aku botula' ko Damsyik. Aku mondapat'an hak doi' boko imam kopala' pakai' mondorako'i boko urakng inyo pocayo agatn Yesus.

Kisah Boko Rasul 26:16

Ni'in bodiritn cam. Aku moniant'an diri ko kolai pakai' moutus kolai monjadi polayatn-Ku. Kolai gola' momboritoan mongona'i la'apo inyo udah kolai tiat ni'in. Kolai pan gola' momboritoan mongona'i la'apo inyo paca'an Aku tiat'an ko kolai nononyo.

Kisah Boko Rasul 9:17

Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.