1 Korintus 15:54 - Porjanjian Boharu Torjomahan Baso Dilakng Soari-ari

⁵⁴ Watu bukakng-tubuh kito diubah sama'an nantai, ongko pomandiran ni'in inyo totulis dalapm Buku Suci paca'an tojadi, “Kuaso komatian udah dikalahan. Tuhatn udah monang.”

1 Korintus 15:54 ပူးပေါင်းရင်းမြစ်များ

Wahyu 20:14

Sotiap urakng inyo damonyo kinyo totulis dalapm Buku Kohidupan nantai, io dibuakan ko dalapm loutan api nantai. Nantai inyo dimasud agatn komatian koduo, ia'an mati somanah-manahnyo. Maut ongko Koraja'an Maut dibuakan ko dalapm loutan api nantai jam.

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”

Lukas 20:36

Sia' tajahan samo sama'an molekat obai co kalo paca'an mati agi'. Sia' nantai boko poana'an Allah obai sia' dipilih-Nyo pakai' hidup kokal di sorugo.

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

2 Tesalonika 1:10

Hukupan nantai paca'an tojadi timpu Yesus datakng agi'. Watu Sio datakng agi' somuo urakng inyo pocayo ko Sio momuji huatan hiratn agatn Sio. Sio paca'an dipuji obai Sio bulah sia' monjadi borosih doi' dosa. Kaitn tomansu' kolompok urakng nantai obai kaitn udah pocayo somuo inyo koi sampaian ko kaitn.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Roma 6:12

Obai nantai, jangan agi' mombiaran dosa monguaso'i hidup kaitn di dunia ni'in inyo ongkah sobontar aja'. Jangan agi' monuruti kohonda' pakai' bodosa.

Roma 1:23

Sia' kinyo monyombah Allah inyo hidup kokal, apo monyombah boko lompatukng inyo dipulah dalapm bontu' mahluk inyo ulih mati, sama'an monsio, burukng, bonatakng inyo bokaki ompat, huatan bonatakng inyo morayap.

2 Korintus 5:4

Apo somanahan kito di dalapm bukakng-tubuh ni'in, kito mongoluh obai bobatnnyo borat. Bukainyo obai kito honda' mati, moninggalan bukakng-tubuh ni'in, apo obai kito honda' mondapat'an bukakng-tubuh boharu nantai. Kito honda' samo sama'an nantai oca' bukakng-tubuh ni'in inyo bayo somontaromo dikuaso'i inyo hidup.