1 Korintus 15:28 - Porjanjian Boharu Torjomahan Baso Dilakng Soari-ari

²⁸ Malah sobali'nyo, lopas somuo hal ditundu'an dibabah kaki Kristus, jadi Sio siku' sobagai Ana' paca'an monundu'an diri-Nyo siku' di babah Allah. Agatn sama'an nian, Allah pan paca'an momorintah somuonyo.

1 Korintus 15:28 ပူးပေါင်းရင်းမြစ်များ

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

1 Korintus 3:23

Apo somuo kaitn umputn Kristus. Huatan Sio pan umputn Allah.

Efesus 1:23

ongko kito inyo pocayo sama'an bukakng-tubuh-Nyo. Sio momonuhi kito, ia'an Sio inyo momonuhi somuo hal.

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

1 Korintus 11:3

Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

1 Korintus 12:6

Ado bomacapm mujisat. Apo bayo ado siku' Allah inyo mongorojoan somuonyo dalapm somuo urakng.

1 Korintus 15:29

Jadi, pasti Allah paca'an bulah boko urakng bobali' hidup doi' komatian. Ado di antaro kaitn inyo dibaptis pakai' mowakili urakng bukai inyo udah mati. Soandainyo urakng mati samo sokali co paca'an dihidupan agi' doi' komatian, jadi inyo sia' labuhan nantai co nyiant pasalnyo.