1 Korintus 15:23 - Porjanjian Boharu Torjomahan Baso Dilakng Soari-ari

²³ Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

1 Korintus 15:23 ပူးပေါင်းရင်းမြစ်များ

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

2 Korintus 10:7

Kaitn gola' bopikir boboi' mongona'i lapo inyo kaitn kotohu'i. Aman ado urakng inyo yakitn mongotohu'i obai io nam umputn Kristus, urakng nian gola' mongotohu'i ni'in: Koi pan umputn Kristus jam samo sama'an io jam.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

1 Korintus 3:23

Apo somuo kaitn umputn Kristus. Huatan Sio pan umputn Allah.

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Kisah Boko Rasul 26:23

Rajo Inyo Dijanjian Allah gola' ajab sonsaro sampai mati. Apo sia' pan monulis jam obai Sio paca'an monjadi urakng potamo inyo bobali' hidup doi' komatian. Agatn caro nantai Sio ulih monjadi ubo torakng inyo monjolasan kohonda' Allah ko banso Yahudi huatan ko boko banso inyo bukainyo banso Yahudi.”

1 Korintus 6:14

Allah udah mombulah Tuhatn Yesus bobali' hidup doi' komatian. Allah jam paca'an mombulah kito bobali' hidup agi' doi' komatian agatn kuaso-Nyo.

Filipi 3:11

Agatn ubo nian, aku yakitn boharap aku pan tajahan bobali' hidup doi' komatian.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.