1 Korintus 15:20 - Porjanjian Boharu Torjomahan Baso Dilakng Soari-ari

²⁰ Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

1 Korintus 15:20 ပူးပေါင်းရင်းမြစ်များ

1 Korintus 15:23

Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

Kisah Boko Rasul 26:23

Rajo Inyo Dijanjian Allah gola' ajab sonsaro sampai mati. Apo sia' pan monulis jam obai Sio paca'an monjadi urakng potamo inyo bobali' hidup doi' komatian. Agatn caro nantai Sio ulih monjadi ubo torakng inyo monjolasan kohonda' Allah ko banso Yahudi huatan ko boko banso inyo bukainyo banso Yahudi.”

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

1 Korintus 15:6

Lopas nantai, Yesus moniant'an diri ko lima' ratus urakng pado watu inyo samo. (Banya' doi' sia' inyo ija' hidup sampai watu aku monulis surat ni'in. Apo ado jam inyo udah matiam.)

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

1 Tesalonika 4:16

Nononyo, paca'an ado saro borakng inyo moonji'i porintah. Pomimpitn molekat paca'an mondorah. Trompet Allah paca'an bobunyi. Tuhatn Yesus paca'an turutn doi' sorugo. Watu nantai, urakng inyo pocayo ko Kristus inyo udah mati paca'an lobih doholu bobali' hidup.

Wahyu 14:13

Lalu aku mondinga' saro doi' sorugo bopandir ko aku. Katonyo, “Tuliscam pomandiran ni'in: Mula'i watu ni'in, diborokatiam boko urakng inyo mati dalapm koadaan sotia pocayo ko Tuhatn Yesus.” Roh Allah pan sotuju. Kato-Nyo, “Au, bondar nantai. Sia' mati oca' sia' ulih torahat doi' jorih-uyuh pokoroja'an sia'. Sia' diborokati obai somuo porbuatan boi' sia' mombulah sia' cucu' mondapat'an upah di sorugo.”