1 Korintus 15:2 - Porjanjian Boharu Torjomahan Baso Dilakng Soari-ari

² Aman kaitn totap somombondarannyo pocayo Kabar Boi' inyo udah aku boritoan ko kaitn, ongko kaitn paca'an disolamant'an. Apo aman kaitn co pocayo somuo Kabar Boi' nantai tomansu' mongona'i komatian Yesus huatan Yesus bobali' hidup doi' komatian, boroti co nyiant pasalnyo kaitn pocayo tontainyo.

1 Korintus 15:2 ပူးပေါင်းရင်းမြစ်များ

Lukas 8:13

Bonih inyo jatu' di tanah rado batu nantai samo sama'an boko urakng inyo mondingaꞌ pomandiran Allah, monorima'nyo kotakng rindakng. Apo bayo pocayo sobontar mo obai hati sia' kinyo borubah. Samo ubo tontanaman di tanah inyo bobatu bayo tumbuh sobontar obai kinyo boakar. Aman boko urakng ubo nantai mohadapi pouyuh-ponjorih, sia' kinyo pocayo agatn pomandiran Allah agi'.

Kisah Boko Rasul 2:47

kapikng momuji Allah. Somuo urakng sonang agatn sia'. Kolompok urakng inyo pocayo nantai botambah banya' obai sotiap ari ado boko urakng inyo disolamant'an Tuhatn.

Kisah Boko Rasul 8:13

Simon nantai pan pocayo ongko dibaptis. Lopas nantai, io hala tuyut Filipus. Io hala hiratn moniant Filipus molabuhan banya' macapm mujisat.

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 11:22

Jadi, kito ulih moniant obai Allah boi' hati apo Sio pan koras aman monsio gola' dihukupm. Sio botindak koras agatn boko urakng Yahudi nantai inyo kinyo pocayo. Apo Sio boi' hati agatn kaitn, asal kaitn totap hidup di dalapm koboi'an Allah nantai. Aman cado, kaitn tajahan dipatahan jam.

1 Korintus 1:18

Ado boko urakng inyo paca'an bonaso. Sia' bopikir obai borito mongona'i Kristus mati di kayu salib nantai sosuatu inyo co nyiant rotinyo. Apo pakai' kito inyo disolamant'an, kabar mongona'i Kristus mati di kayu salib monunju'an kuaso Allah.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

1 Korintus 15:14

Soandainyo, Kristus kinyo dihidupan agi' doi' komatian, boroti borito doi' koi nantai tumbukan mo. Alahasil jam kaitn pocayo ko Kristus.

2 Korintus 2:15

Obai koi diutus Kristus, jadi koi samo sama'an bou harupm inyo Kristus posombahan pakai' Allah. Bou nantai kociupan di tongah-tongah boko urakng inyo paca'an disolamant'an ongko urakng inyo paca'an bonaso.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Galatia 3:4

Kaitn udah banya' moalapi ajab sonsaro obai pocayo ko Yesus. Jangan sampai somuo ajab sonsaro nantai co nyiant gunonyo.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

2 Tesalonika 2:15

Obai nantai am, boko somadikan, totap pocayo agatn kuat ajaran inyo udah koi sampaian boi' molalu'i pomandiran damo pan molalu'i boko surat.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Ibrani 10:23

Mara kito yakitn moharap'an somuo inyo dijanjian Allah. Nantai am harapan inyo udah kito pocayo'i. Kito ulih moyakiti mongona'i nantai obai Sio inyo monjanjiannyo hala ulih dipocayo.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

Yakobus 2:14

Boko somadikan, aman ado urakng inyo mongatoan, “Io pocayo ko Yesus”, apo io kinyo molabuhan porbuatan inyo boi', pasti urakng sama'an nian kinyo paca'an disolamant'an. Sio mongatoan io pocayo, apo pomandirannyo nian kinyo boguno?

Yakobus 2:17

Ubo nian jam aman ado urakng inyo pocayo apo hal nantai co bulah io pakai' molabuhan porbuatan inyo boi'. Kopocaya'an sama'an nian kinyo boguno.

Yakobus 2:26

Jadi, aman ado urakng inyo pocayo apo hal nantai kinyo mombulah io molabuhan porbuatan inyo monyonangan hati Allah, urakng sama'an nian kinyo bondar-bondar pocayo. Samo sama'an bukakng inyo pasti paca'an mati aman co bokosih di dalapmnyo.