1 Korintus 15:17 - Porjanjian Boharu Torjomahan Baso Dilakng Soari-ari

¹⁷ Soandainyo, Kristus kinyo dihidupan agi' doi' komatian. Boroti, co nyiant gunonyo kaitn pocayo ko Sio. Kaitn ija' dikuaso'i dosa.

1 Korintus 15:17 ပူးပေါင်းရင်းမြစ်များ

Roma 4:25

Allah monyorahan Yesus oca' Sio mati di kayu salib pakai' monanggukng hukupan dosa kito. Allah mombulah Yesus bobali' hidup oca' kito ulih monjadi bondar di hadapan-Nyo.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

1 Korintus 15:14

Soandainyo, Kristus kinyo dihidupan agi' doi' komatian, boroti borito doi' koi nantai tumbukan mo. Alahasil jam kaitn pocayo ko Kristus.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

1 Korintus 15:2

Aman kaitn totap somombondarannyo pocayo Kabar Boi' inyo udah aku boritoan ko kaitn, ongko kaitn paca'an disolamant'an. Apo aman kaitn co pocayo somuo Kabar Boi' nantai tomansu' mongona'i komatian Yesus huatan Yesus bobali' hidup doi' komatian, boroti co nyiant pasalnyo kaitn pocayo tontainyo.

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

1 Korintus 15:16

Sokali agi', soandainyo, urakng mati kinyo paca'an dihidupan agi' doi' komatian. Boroti, Kristus pan kinyo dihidupan agi' doi' komatian.