1 Korintus 14:6 - Porjanjian Boharu Torjomahan Baso Dilakng Soari-ari

⁶ Soumpamonyo aku datakng ko kaitn ongko bopandir pakai baso roh, aku co nyiant gunonyo pakai' kaitn! Aku boguno aman monyampaian ko kaitn mongona'i boko hal inyo Allah poniant'an ko aku. Damo aku monjolasan boko hal doi' Roh Allah inyo aku kotohu'i. Damo ku monyampaian posatn-pontal doi' Allah damo mongajar sosuatu ko kaitn.

1 Korintus 14:6 ပူးပေါင်းရင်းမြစ်များ

Efesus 1:17

Aku bodoa ko Allah Tuhatn kito Yesus Kristus, Allah Bopai inyo mulia, oca' Sio moonji'i Roh-Nyo ko kaitn inyo mombulah kaitn bohikmat huatan mongonal Sio kotakng dalapm agi'.

2 Timotius 3:16

Soluruh Buku Suci ado obai bimbikan Allah. Obai nantai, somuo inyo ditulis di santai sangant boguno. Buku Suci boguno pakai' mongajar boko hal inyo bondar, pakai' moolikan urakng doi' kosalahan, pakai' mongomboi'i caro hidupnyo huatan pakai' monunju'an caro hidup inyo bondar dihadapan Allah.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

1 Korintus 14:1

Bousahacam agatn somombondarannyo pakai' salikng mongasihi. Somombondarannyo jam honda' mondapat'an boko komampuan husus doi' Roh Allah, hususnyo komampuan pakai' monyampaian boko posatn-pontal doi' Allah.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

2 Petrus 1:5

Nanam alasan kaitn gola' bobondar bousaha pakai' pocayo ko Yesus agatn kuat. Lopas nantai, kaitn pan gola' bousaha bulah koboi'an. Lopas nantai mongotohu'i ajaran inyo bondar.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

2 Timotius 3:10

Apo kolai udah mongotohu'i ajaranku. Kolai udah moniru caro hidupku. Kolai udah pocayo ko Yesus samo sama'an aku. Kolai udah moikuti tujuan hidupku. Kolai udah moniant aku sabar agatn urakng bukai huatan mongasihi sia'. Kolai udah mongotohu'i obai aku totap kuat

2 Timotius 2:14

Kolai gola' torus moingant'an jomaat mongona'i boko hal nantai. Nosihat'icam sia' agatn togas, Allah moniant porbuatan kito. Jadi, padohan botikakng mongona'i boko sotilah. Co nyiant gunonyo. Malah, pomandiran sama'an nantai monyosat'an boko urakng inyo mondinga'an nantai.

Filipi 3:15

Obai nantai, somuo kito inyo kuat pocayo ko Yesus gola' bopikir agatn caro nantai. Apo aman ado urakng di antaro kaitn inyo bopikir agatn caro inyo bukai, jadi Allah tajahan monjolasannyo ko kolai jam.

Efesus 3:4

Aman kaitn mombaconyo, kaitn paca'an momahami mongona'i roncana-Nyo inyo dilabuhan-Nyo molalu'i Kristus samo sama'an aku momahaminyo.

2 Korintus 12:7

Tuhatn co honda' aku monjadi buhau obai boko poniant'an inyo luar biaso nantai. Nantaiam sobabnyo, aku dionji'i somacapm ponyakit sama'an duri di dalapm isiku. Ponyakit nantai ia'an alat Rajo Sitatn inyo mohontapmku oca' aku co monjadi buhau.

2 Korintus 12:1

Aku hala momuji diriku, biar pan conyiant gunonyo. Watu ni'in aku momuji diriku mongona'i boko poniant'an doi' Tuhatn, watu Sio momadahan boko hal ko aku.

2 Korintus 11:6

Mungkitn, dibandikan agatn sia', aku dianggap kurakng pandai bopandir. Apo aku kotakan mongotohu'i mongona'i ajaran inyo bondar. Nantai udah koi tunju'an ko kaitam sotiap watu dalapm boko hal.

1 Korintus 10:33

Pulahcam samo sama'an inyo ku pulah. Aku hala bousaha oca' somuo porbuatanku kinyo bulah sopo pan tosinggukng. Aku hala moutamoan inyo toboi' pakai' urakng banya', daripado inyo toboi' pakai' diriku siku'. Aku molabuhan somuo nantai oca' sia' ulih disolamant'an.

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!

Roma 15:14

Boko somadikanku, aku kotakng yakitn obai kaitn kotakan boi' ongko mongotohu'i somuo inyo dipontikan. Jadi, kaitn ulih momadahi siku'-monyiku'.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Matius 16:26

Soumpamonyo ado siku' urakng inyo ulih mondapat'an somuo hal di dunia ni'in, apo io kohilakan nyaonyo sobondarnyo io co borojoki. Io culihnyo momboli nyaonyo.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

1 Korintus 14:7

Hal nantai ulih diumpamoan agatn bando inyo co nyiant kosihnyo inyo bobunyi sama'an sulikng damo kocapi. Aman boko nada kinyo jolas, co mungkitn urakng bukai ulih mongoroti nyanyiannyo.