1 Korintus 14:31 - Porjanjian Boharu Torjomahan Baso Dilakng Soari-ari

³¹ Obai, kaitn somuo ulih monyampaian boko posatn-pontal doi' Allah siku'-monyiku'. Agatn caro nantai, kaitn somuo ulih diajar, dinosihati huatan dionji'i somangant.

1 Korintus 14:31 ပူးပေါင်းရင်းမြစ်များ

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.

1 Tesalonika 4:18

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan.

2 Korintus 1:4

Sio monguat'an hati koi dalapm boko pondorita'an koi. Agatn ubo nian, Sio bulah koi ulih monguat'an hati boko urakng bukai dalapm boko pondorita'an sia'. Koi monguat'an hati sia' samo sama'an Allah monguat'an hati koi.

1 Korintus 14:35

Aman siku' urakng botina' ado sosuatu inyo honda' io kotohu'i, io ulih monakutannyo ko lakinyo di rumah. Obai, kinyo cucu' aman botina' bopandir dalapm pokumpulan urakng pocayo.

1 Korintus 14:19

Apo watu urakng pocayo bokumpul pakai' sombayakng, tujuanku pakai' mongajar urakng bukai. Jadi, aku lobih momilih pakai' momandiran lima' kato pandir inyo ulih dimongoroti daripado boribu-ribu kato pandir dalapm baso roh inyo kinyo dapat dimongoroti urakng bukai.

Roma 1:12

Masudku, watu aku bosamo kaitn, kito samo-samo ulih dikuatan. Ia'an, hati aku paca'an dikuatan obai moniant kaitn bondar-bondar pocayo ko Yesus. Sama'an nian jam, hati kaitn paca'an dikuatan obai kopocaya'anku.

1 Korintus 14:30

Apo, aman Allah monyatoan sosuatu ko urakng bukai inyo hadir, ongko urakng inyo tongahan bopandir gola' botongga'. Biaram urakng bukai nantai bopandir.

1 Korintus 14:32

Poraturan ni'in ulih dituruti somuo urakng inyo bisi komampuan pakai' monyampaian posatn-pontal doi' Allah. Obai komampuan nantai ulih dikondalian.

Kolose 2:2

Aku bousaha oca' hati kaitn somuo dikuatan huatan kaitn bosatu dalapm kasih. Agatn ubo nian, kaitn mondapat'an somuo borokat huatan monjadi yakitn obai sobondarannyo mongoroti mongona'i Yesus. Kaitn pan paca'an mongotohu'i hajat Allah inyo komai kinyo dikotohu'i monsio. Ia'an, kaitn somuo ulih mongonal Kristus.

1 Tesalonika 5:20

Jangan moanggap gampakng boko posatn doi' Allah.