1 Korintus 14:24 - Porjanjian Boharu Torjomahan Baso Dilakng Soari-ari

²⁴ Umpamonyo, somuo kaitn inyo pocayo bokumpul di sobuti' tompat. Watu nantai, somuo kaitn monyampaian posatn-pontal doi' Allah. Lopas nian, ado urakng luar damo urakng inyo kinyo pocayo inyo mansu' ko dalapm tompat nantai. Somuo pomandiran kaitn paca'an monunju'an boko dosanyo ongko bulah io sadar paca'an boko dosanyo.

1 Korintus 14:24 ပူးပေါင်းရင်းမြစ်များ

1 Korintus 2:15

Apo boko urakng inyo dikuaso'i Roh Allah, sia' mampu momoriso'i la'apo pan. Apo sia' kinyo ulih diporiso'i boko urakng bukai

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Yohanes 16:8

Watu Sio datakng, Sio paca'an bulah boko urakng di dunia sadar mongona'i boko hal ni'in: mongona'i dosa, huatan mongona'i la'apo inyo bondar, huatan mongona'i hukupan.

1 Korintus 14:1

Bousahacam agatn somombondarannyo pakai' salikng mongasihi. Somombondarannyo jam honda' mondapat'an boko komampuan husus doi' Roh Allah, hususnyo komampuan pakai' monyampaian boko posatn-pontal doi' Allah.

1 Korintus 14:16

Obai, aman ado di antaro kaitn inyo moucap sukur ko Allah pakai baso doi' Roh Allah, ongko urakng bukai inyo hadir co ulih mongoroti pomandiran kaitn nantai. Co mungkitn urakng bukai nantai momandiran ‘Amin’ obai mondinga' ucapan sukur kaitn nantai!