1 Korintus 14:20 - Porjanjian Boharu Torjomahan Baso Dilakng Soari-ari

²⁰ Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Korintus 14:20 ပူးပေါင်းရင်းမြစ်များ

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Roma 16:19

Somuo urakng udah mondinga' obai kaitn monaati Tuhatn. Jadi aku kotakng sonang obai kaitn! Apo aku honda' oca' kaitn pintar-corodi' mongotohu'i lapo inyo boi' ongko co bulah kojahatan.

1 Korintus 13:11

Samo sama'an watu kito monjadi bujakng-bosar, boko hal inyo bosipat bobia' kinyo dipakai agi'. Watu kito ija' bobia', kito bopandir ubo bobia'. Kito bopikir sama'an bobia'. Kito bulah koputusan sama'an bobia'. Apo watu kito monjadi bujakng-bosar, kito botongga' bulah boko hal inyo bosipat sama'an bobia'.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

1 Korintus 2:6

Apo di antaro boko urakng inyo bondar-bondar pocayo ko Yesus, koi memang mongajar mongona'i kopintar-corodi'an. Apo kopintar-corodi'an bukainyo doi' kopintar-corodi'an monsio di dunia ni'in, bukainyo doi' kopintar-corodi'an boko pomimpitn di dunia ni'in. Sia' paca'an dibonasoan.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Filipi 3:15

Obai nantai, somuo kito inyo kuat pocayo ko Yesus gola' bopikir agatn caro nantai. Apo aman ado urakng di antaro kaitn inyo bopikir agatn caro inyo bukai, jadi Allah tajahan monjolasannyo ko kolai jam.

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 19:4

Timbas Yesus, “Pasti kaitn udah mombaco di Buku Suci. Doi' mulonyo, Allah bulah sopasakng monsio, ia'an lolaki ongko botina'.

Matius 19:14

Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Lukas 18:17

Aku bopandir ko kaitn: Aman urakng kinyo monorima' Koraja'an Allah samaꞌan siku' bobia' kocit, pasti io co tajahan monjadi anggota koluarga Koraja'an Allah.”

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

1 Korintus 14:19

Apo watu urakng pocayo bokumpul pakai' sombayakng, tujuanku pakai' mongajar urakng bukai. Jadi, aku lobih momilih pakai' momandiran lima' kato pandir inyo ulih dimongoroti daripado boribu-ribu kato pandir dalapm baso roh inyo kinyo dapat dimongoroti urakng bukai.

Efesus 4:13

Kito somuo gola' molayati inyo bukai agatn ubo nian kito monjadi kuat bosatu obai kito somongkitn pocayo huatan somongkitn mongonal Ana' Allah. Kito pan botumbuh sampai monjadi sompurna sama'an Kristus. Kito monjadi kuat pocayo sama'an urakng dewasa