1 Korintus 13:8 - Porjanjian Boharu Torjomahan Baso Dilakng Soari-ari

⁸ Kasih kinyo paca'an kalo botongga'. Apo nononyo, komampuan husus pakai' monyampaian posatn doi' Allah paca'an botongga'. Komampuan husus pakai' bopandir dalapm baso roh paca'an botongga'. Komampuan husus pakai' mongotohu'i boko hal doi' Roh Allah paca'an botongga'.

1 Korintus 13:8 ပူးပေါင်းရင်းမြစ်များ

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

Kisah Boko Rasul 19:6

Ongko, Paulus molota'an jarinyo ko pucu' sia'. Roh Allah turutn ko pucu' sia'. Sia' mula'i bopandir dalapm bomacapm baso inyo dionji'i Roh Allah. Momadahan boko posatn-pontal doi' Allah.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

1 Korintus 12:10

Ko urakng bukainyo agi', Roh Allah moonji'i komampuan pakai' bulah mujisat. Ko urakng bukainyo agi', Roh Allah moonji'i komampuan pakai' monyampaian boko posatn-pontal doi' Allah. Ko urakng bukainyo agi', Roh Allah moonji'i komampuan pakai' monyongkayoan bomacapm-macapm roh. Ko urakng bukainyo agi', Roh Allah moonji'i komampuan pakai' bopandir dalapm baso roh. Ko urakng bukainyo agi', Roh Allah moonji'i komampuan pakai' monjolasan roti doi' pomandiran dalapm boko baso roh nantai.

1 Korintus 13:10

Apo watu nononyo inyo sompurna datakng, jadi inyo kinyo sompurna paca'an hilakng.

1 Korintus 13:13

Jadi, dalapm koadaan sokarakng ni'in ado tigo hal inyo gola' totap kito labuhan, ia'an: torus pocayo, kinyo botongga' boharap huatan salikng mongasihi. Inyo kotakan pontikng doi' kotigo hal nantai ia'an salikng mongasihi.

1 Korintus 14:39

Jadi, boko somadikanku, kaitn gola' ado kohonda' pakai' monorima' komampuan pakai' monyampaian posatn-pontal doi' Allah. Jangannam morarakng urakng pakai' bopandir pakai baso roh.

1 Korintus 8:2

Aman ado urakng inyo bopikir obai io ado ‘pongotohuan husus’, sobondarnyo urakng nantai bolupm mongotohu'i boko hal inyo soharusnyo io kotohu'i.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Ibrani 8:13

Jadi, boko somadikan, obai Allah bopandir mongona'i pojanjian inyo boharu, jadi Sio mombulah pojanjian manah nantai kinyo topakaiam. Pojanjian manah nantai udah tuho huatan kinyo manah agi' paca'an hilakam.