1 Korintus 13:12 - Porjanjian Boharu Torjomahan Baso Dilakng Soari-ari

¹² Agatn poumpamoan bukai, kito watu ni'in samo sama'an kito moniant dalapm coromin suatu kombayakan inyo kinyo jolas. Apo nono watu kito ado di sorugo kito paca'an moniant socaro lansukng. Ni'inan kito bayo mongonal Allah socaro kurakng sompurna. Apo nono kito paca'an mongonal Sio agatn sompurna. Samo sama'an Allah udah mongonal kito agatn sompurna.

1 Korintus 13:12 ပူးပေါင်းရင်းမြစ်များ

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

2 Korintus 3:18

Somuo kito inyo di bimbikng Roh Tuhatn, Sio torus-monorus morubah kito monjadi mongkitn samo agatn Sio. Jadi, kohidupan kito monunju'an obai Tuhatn mulia, samo sama'an mato-muho kito co ditutupi koitn ponutup nantai.

Filipi 3:12

Aku co bomasud aku udah moncapai tujuan nantai! Memang aku bolupm sompurna. Apo aku hala bousaha pakai' moncapai tujuan nantai. Obai, nantaiam hajat Kristus Yesus bagiku timpu Sio moningkau ku monjadi umputn-Nyo.

Wahyu 22:4

paca'an moniant mato-muho-Nyo. Damo-Nyo paca'an totulis di koning sia'.

Yakobus 1:23

Urakng inyo mondinga'an Pomandiran Allah apo tongkolupatn monaati-Nyo, nantai sama'an urakng bocoromin moniant mato muhonyo.

2 Korintus 5:7

Obai, caro hidup koi bodasaran boko hal inyo koi pocayo'i bukainyo boko hal inyo koi tiat.

Matius 5:8

Diborokaticam urakng inyo suci hatinyo, obai sia' paca'an moniant Allah nononyo.

1 Korintus 8:3

Apo urakng inyo mongasihi Allah, urakng nantai dikotohu'i Allah. Ongko urakng nantai bondar-bondar pintar-corodi'.

Roma 8:18

Aku yakitn obai ajab sonsaro inyo kito alapi watu ni'in co gaha'an borat dibandikan agatn kohidupan inyo maho boi' inyo tajahan dionju' ko kito nononyo.

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

1 Korintus 13:11

Samo sama'an watu kito monjadi bujakng-bosar, boko hal inyo bosipat bobia' kinyo dipakai agi'. Watu kito ija' bobia', kito bopandir ubo bobia'. Kito bopikir sama'an bobia'. Kito bulah koputusan sama'an bobia'. Apo watu kito monjadi bujakng-bosar, kito botongga' bulah boko hal inyo bosipat sama'an bobia'.