1 Korintus 13:11 - Porjanjian Boharu Torjomahan Baso Dilakng Soari-ari

¹¹ Samo sama'an watu kito monjadi bujakng-bosar, boko hal inyo bosipat bobia' kinyo dipakai agi'. Watu kito ija' bobia', kito bopandir ubo bobia'. Kito bopikir sama'an bobia'. Kito bulah koputusan sama'an bobia'. Apo watu kito monjadi bujakng-bosar, kito botongga' bulah boko hal inyo bosipat sama'an bobia'.

1 Korintus 13:11 ပူးပေါင်းရင်းမြစ်များ

Matius 16:7

Jadi, sia' bopikir mongona'i pomandiran Yesus nantai. Sia' bopandir ko siku'-monyiku', “Yesus momandiran nantai obai kito co mombaba' roti.”

1 Korintus 13:10

Apo watu nononyo inyo sompurna datakng, jadi inyo kinyo sompurna paca'an hilakng.

1 Korintus 13:12

Agatn poumpamoan bukai, kito watu ni'in samo sama'an kito moniant dalapm coromin suatu kombayakan inyo kinyo jolas. Apo nono watu kito ado di sorugo kito paca'an moniant socaro lansukng. Ni'inan kito bayo mongonal Allah socaro kurakng sompurna. Apo nono kito paca'an mongonal Sio agatn sompurna. Samo sama'an Allah udah mongonal kito agatn sompurna.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

Galatia 4:1

Aku monogasan hal ni'in: Siku' urakng ana' paca'an monguaso'i somuo hal inyo diwarisan bopainyo dionju' ko io. Apo aman ana' nantai ija' bobia', paca'an ado boko polayatn inyo ditugasan pakai' monjago ana'nyo. Ado jam boko polayatn pakai' mourus kodampuan umputn ana'nyo nantai. Ana' inyo muda' nantai gola' monaati boko polayatn nantai. Obai nantaiam, ana' nantai samo sama'an siku' urakng hulutn. Niannam koadaan ana' nantai sampai watu inyo ditontuan bopainyo.