1 Korintus 12:4 - Porjanjian Boharu Torjomahan Baso Dilakng Soari-ari

⁴ Ado bomacapm komampuan husus, apo bayo ado siku' Roh Allah inyo moonji'i somuonyo.

1 Korintus 12:4 ပူးပေါင်းရင်းမြစ်များ

1 Korintus 12:1

Ni'inan, boko somadikan, aku honda' monulis mongona'i boko komampuan husus inyo dionji'i Roh Allah. Aku honda' oca' kaitn bondar-bondar mongoroti mongona'i boko hal ni'in.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

1 Korintus 12:5

Ado bomacapm caro urakng bokorojo pakai' Tuhatn. Apo bayo ado siku' Tuhatn inyo kito layati.

1 Korintus 7:7

Sobondarnyo aku honda' oca' sotiap urakng samo sama'an aku. Apo sotiap urakng ado komampuan husus masikng-masikng doi' Allah. Inyo siku' ado komampuan husus ni'in. Inyo bukainyo ado jam komampuan husus inyo bukai.

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

1 Petrus 4:10

Allah udah monunju'an koboi'an-Nyo ko kaitn agatn moonji'i somuo kaitn komampuan husus inyo bobeda-beda. Jadi, gunoancam komampuan husus doi' Allah nantai agatn caro inyo boi', ia'an kaitn gola' monggunoan komampuan husus doi' Allah nantai oca' hala molayati urakng pocayo inyo bukai.