1 Korintus 12:31 - Porjanjian Boharu Torjomahan Baso Dilakng Soari-ari

³¹ Apo kaitn gola' kotakng kohonda'an monorima' boko komampuan inyo palikng utamo. Ongko ni'in aku paca'an momadahan ko kaitn mongona'i caro momakai boko komampuan nantai agatn kotakan boi'.

1 Korintus 12:31 ပူးပေါင်းရင်းမြစ်များ

1 Korintus 13:1

Sokironyo aku ulih bopandir dalapm bomacapm baso monsio damo boko baso molekat, apo aman aku co mongasihi urakng bukai, boroti komampuanku nantai kinyo boguno. Aku samo sama'an totawak inyo sombarakan ditombuh damo lonceng inyo bayo bulah tingal kolindakan mo.

1 Korintus 14:39

Jadi, boko somadikanku, kaitn gola' ado kohonda' pakai' monorima' komampuan pakai' monyampaian posatn-pontal doi' Allah. Jangannam morarakng urakng pakai' bopandir pakai baso roh.

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Filipi 3:8

Malahan aku moanggap la'apo pan conyiant ado rotinyo dibandikan agatn mongonal Kristus Yesus, Tuhatnku. Nantai jouh lobih pontikng daripado somuo hal inyo bukai. Nantaiam sobabnyo aku co boharap agi' ko boko hal nantai. Aku moanggap somuo hal nantai samo sama'an sampah oca' aku ulih mongonal Kristus,

1 Korintus 8:1

Ni'in mongona'i dagikng bonatakng inyo diposombahan ko boko duato. Ado boko urakng bopandir, “Somuo kito ado pongotohuan.” Apo aman siku' urakng ado ‘pongotohuan husus’, ongko urakng nantai jadi buhau. Sobondarnyo kito gola' mongasihi urakng bukai. Nantaiam caronyo kito bulah urakng bukai monjadi lobih kuat socaro rohani.

Ibrani 11:4

Obai Habel pocayo, jadi io momposombahan ko Allah kurbatn inyo lobih boi' tangga'i kurbatn inyo diposombahan Kain. Kopocaya'an Habel monunju'an io ia'an urakng inyo bondar di hadapan Allah. Obai, Allah monorima' posombahannyo. Biar pan Habel udah mati, io sama'annyo ija' bopandir ko kito obai io monjadi toladatn urakng inyo pocayo.

Lukas 10:42

Apo bayo sobuti' mo inyo bondar-bondar pontikng. Somadikan kolai udah momilih hal inyo toboi' nantai, mondingaꞌan boko ajaran-Ku. Hal nantai kinyo paca'an dikuti' doi' io.”

1 Korintus 14:1

Bousahacam agatn somombondarannyo pakai' salikng mongasihi. Somombondarannyo jam honda' mondapat'an boko komampuan husus doi' Roh Allah, hususnyo komampuan pakai' monyampaian boko posatn-pontal doi' Allah.