1 Korintus 12:26 - Porjanjian Boharu Torjomahan Baso Dilakng Soari-ari

²⁶ Aman sobuti' bukakng-tubuh kompodihan, ongko somuo boko bagian bukakng-tubuh inyo bukai kompodihan jam. Aman sobuti' bagian bukakng-tubuh dihormati, ongko somuo bagian bukakng-tubuh inyo bukai sonang-nyaman jam.

1 Korintus 12:26 ပူးပေါင်းရင်းမြစ်များ

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

Matius 3:15

Apo Yesus monimbas, “Biaram kolai molabuhan nantai dalapm watu ni'in. Obai agatn ubo nanam kito momonuhi somuo hal inyo dikohonda'i Allah.” Jadi, Yohanes monuruti pomandiran Yesus nantai. Io mombaptis Yesus.

Matius 5:29

Aman mato kanan kaitn bulah kaitn bodosa, cungkilcam huatan buakancam mato nantai! Obai, lobih boi' kaitn kohilakan salah sobuti' anggota bukakng-tubuh kaitn daripado soluruh bukakng-tubuh kaitn dibuakan ko dalapm noraka nononyo.

1 Korintus 12:25

Sio molabuhan nantai oca' boko bagian bukakng-tubuh nantai kinyo bosongkayo, apo salikng borotian inyo bukai.

1 Korintus 12:27

Kaitn kolompok urakng inyo pocayo samo sama'an sobukakng-sotubuh, ia'an bukakng-tubuh Kristus. Kaitn siku'-monyiku' nantai bagian doi' bukakng-tubuh-Nyo nantai.