1 Korintus 12:18 - Porjanjian Boharu Torjomahan Baso Dilakng Soari-ari

^18-19 Aman somuo bukakng-tubuh nantai bayo doi' so macapm bagian, ongko bukakng-tubuh nantai kinyo bukakng-tubuh agi'. Apo ubonyo, Allah bulah bukakng-tubuh nantai sosuai agatn kohonda'-Nyo. Sio moatur sotiap bagian siku'-monyiku'oca' boguno dalapm bukakng-tubuh nantai.

1 Korintus 12:18 ပူးပေါင်းရင်းမြစ်များ

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

1 Korintus 12:11

Bayo ado siku' Roh Allah inyo moonji'i somuo komampuan husus nantai. Roh Allah moonji'i komampuan husus ko sotiap urakng masikng-masikng sosuai agatn kohonda'-Nyo.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

1 Korintus 3:5

Porotiancam! Apobai Apolos pontikng? cado! Apobai Paulus pontikng? cado jam! Koi duo cumo polayatn dibabah kuaso Tuhatn pakai' monulukng kaitn pocayo ko Sio. Koi ongkah molabuhan pokoroja'an inyo Tuhatn onju' ko koi siku'-monyiku'.

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

1 Korintus 12:24

Apo boko bagian bukakng-tubuh inyo dipontiat'an, boko bagian nantai kinyo pontikng diporotian sama'an nantai. Jadi, kito gola' lobih borotian boko bagian inyo kito anggap kurakng dihormati. Nanam caronyo Allah lobih mohormati boko bagian nantai watu Sio bulah bukakng-tubuh nantai.

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

1 Korintus 15:38

Apo, sotiap bigi' tontanaman sosuai agatn kohonda' Allah. Sio moonji'i bontu' tontanaman ko bigi' masikng-masikng.

Wahyu 4:11

“Oi Tuhatn Allah koi. Duatn cucu' monorima' pujian, hormat, ongko kuaso. Obai, Duatn inyo mombulah la'apo pan. La'apo pan inyo ado, boko dipulah, ongkah obai kohonda' Duatam.”

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Roma 12:6

Allah monunju'an kasih-Nyo, moonji'i komampuan husus inyo bobeda ko kito masikng-masikng. Aman ado urakng inyo dionji'i komampuan husus pakai' monyampaian posatn doi' Allah, io gola' molabuhan nantai sosuai agatn kopocaya'annyo.

1 Korintus 12:17

Aman, somuo bukakng-tubuh nantai bayo doi' mato mo, kinyo mungkitn bukakng-tubuh nantai ulih mondinga'! Damo aman, somuo bukakng-tubuh nantai bayo doi' kolindakan, kinyo mungkitn bukakng-tubuh ulih monciupm bou!