1 Korintus 12:12 - Porjanjian Boharu Torjomahan Baso Dilakng Soari-ari

^12-13 Ado banya' urakng inyo bukai-mombukai pocayo ko Kristus. Ado boko urakng Yahudi inyo pocayo ko Kristus. Ado jam boko urakng inyo bukainyo urakng Yahudi. Ado hulutn inyo udah pocayo. Ado jam urakng bebas. Apo kito totap sokolompok mo obai kito somuo dibaptis agatn Roh inyo samo. Apo kito somuo pan monorima' Roh inyo samo dalapm hati kito. Obai nantai, kito inyo udah pocayo samo sama'an sobukakng-sotubuh. Bukakng-tubuh nantai sobuti' apo ado banya' bagiannyo.

1 Korintus 12:12 ပူးပေါင်းရင်းမြစ်များ

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.

1 Korintus 12:27

Kaitn kolompok urakng inyo pocayo samo sama'an sobukakng-sotubuh, ia'an bukakng-tubuh Kristus. Kaitn siku'-monyiku' nantai bagian doi' bukakng-tubuh-Nyo nantai.

Kolose 2:19

Io tongga' pocayo ajaran inyo bondar mongona'i Kristus. Kristus inyo momimpitn somuo urakng pocayo samo sama'an kopala' bokuaso ko bukakng-tubuhnyo. Kopontikan bukakng-tubuh nantai diponuhi huatan bukakng-tubuh nantai totap sobuti' obai ado hubukan agatn inyo bukainyo. Kopala' nantai moatur somuonyo oca' bukakng-tubuh-Nyo botumbuh sama'an inyo dikohonda'i Allah.

Efesus 4:4

Obai, somuo kito inyo pocayo samo sama'an sobukakng-sotubuh. Ongkah ado siku' Roh Allah. Sama'an nian jam kaitn inyo ditingkau ado sobuah harapan inyo samo, ia'an kaitn yakitn moharap'an somuo inyo dijanjian Allah ko kito.

1 Korintus 10:17

Kito ado banya' urakngnyo, apo samo-samo bopua' doi' sobuti' roti mo. Rotinyo, kito bosatu samo sama'an sobuti' bukakng-tubuh.

Efesus 5:30

Obai kito ia'an boko anggota bukakng-tubuh-Nyo.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

Efesus 5:23

Obai laki ia'an kopala' doi' bini samo sama'an Kristus ia'an kopala' somuo urakng inyo pocayo ko Sio. Sio monyolamant'an sia' inyo monjadi sama'an bukakng-tubuh-Nyo siku'.

Efesus 4:12

Kristus moonji'i boko komampuan nantai oca' sia' ulih mombulah somuo urakng bukai inyo pocayo monjadi mampu pakai' molayati Sio. Agatn sama'an nantai, soluruh jomaat botumbuh huatan monjadi kuat dalapm Kristus.

Galatia 3:16

Apotolagi' porjanjian doi' Allah “ko Abrahapm huatan ko koturutannyo.” Buku Suci kinyo momakai kato ‘Boko koturutannyo’ obai rotinyo bukai banya' urakng. Rotinyo bayo siku' urakng, ia'an Kristus.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

Efesus 1:23

ongko kito inyo pocayo sama'an bukakng-tubuh-Nyo. Sio momonuhi kito, ia'an Sio inyo momonuhi somuo hal.

1 Korintus 12:7

Allah moonji'i komampuan husus ko masikng-masikng kito. Nantai mombutian obai Roh-Nyo bokorojo di dalapm masikng-masikng urakng inyo pocayo. Apo somuo komampuan husus nantai dionji'i pakai' kountukan bosamo.

1 Korintus 12:20

Memang, ado banya' bagian, apo bayo ado sobuti' bukakng-tubuh.