1 Korintus 12:11 - Porjanjian Boharu Torjomahan Baso Dilakng Soari-ari

¹¹ Bayo ado siku' Roh Allah inyo moonji'i somuo komampuan husus nantai. Roh Allah moonji'i komampuan husus ko sotiap urakng masikng-masikng sosuai agatn kohonda'-Nyo.

1 Korintus 12:11 ပူးပေါင်းရင်းမြစ်များ

Matius 11:26

Ihai, Bopai, caro nantai monyonangan hati Duatn!”

Matius 20:15

Pasti aku bebas momakai somuo umputnku monurut kohonda' hatiku. Kata'an kulo tungi obai aku boi' hati ko urakng bukai ai?’ ”

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Yohanes 3:8

Angin muput ko mono aja' io kohonda'i. Urakng ulih mondinga' bunyinyo, apo co dapat mongotohu'i doi' mono angin nantai datakng damo ko mono angin nantai botula'. Ubo nian jam agatn urakng inyo dilahiran doi' Roh Allah.”

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Roma 12:6

Allah monunju'an kasih-Nyo, moonji'i komampuan husus inyo bobeda ko kito masikng-masikng. Aman ado urakng inyo dionji'i komampuan husus pakai' monyampaian posatn doi' Allah, io gola' molabuhan nantai sosuai agatn kopocaya'annyo.

Roma 9:18

Jadi, udah jolas obai Allah monunju'an bolas-kasihan ko urakng sosuai agatn kohonda'-Nyo. Apo Allah pan ulih bulah urakng korikng hati sosuai agatn kohonda'-Nyo, sama'an inyo tojadi agatn rajo Mesir nantai.

1 Korintus 12:18

Aman somuo bukakng-tubuh nantai bayo doi' so macapm bagian, ongko bukakng-tubuh nantai kinyo bukakng-tubuh agi'. Apo ubonyo, Allah bulah bukakng-tubuh nantai sosuai agatn kohonda'-Nyo. Sio moatur sotiap bagian siku'-monyiku'oca' boguno dalapm bukakng-tubuh nantai.

1 Korintus 12:4

Ado bomacapm komampuan husus, apo bayo ado siku' Roh Allah inyo moonji'i somuonyo.

1 Korintus 12:6

Ado bomacapm mujisat. Apo bayo ado siku' Allah inyo mongorojoan somuonyo dalapm somuo urakng.

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

1 Korintus 7:7

Sobondarnyo aku honda' oca' sotiap urakng samo sama'an aku. Apo sotiap urakng ado komampuan husus masikng-masikng doi' Allah. Inyo siku' ado komampuan husus ni'in. Inyo bukainyo ado jam komampuan husus inyo bukai.

2 Korintus 10:13

Apo koi co ubo nian. Koi co momuji diri lobih doi' batasnyo. Koi co momuji diri agatn polayatan urakng bukai di doerah bukai. Koi bayo momuji mongona'i polayatan inyo Allah onju' ko koiam. Polayatan nantai tomansu' polayatan koi di antaro kaitn!

Efesus 1:11

Allah mongorojoan somuo hal sosuai agatn kohonda'-Nyo huatan koputusan-Nyo siku'. Doi' mulonyo, Sio udah ado tujuan pakai' momilih koi. Jadi, di dalapm Kristus, Allah mombulah koi monjadi umat-Nyo.

Efesus 4:7

Apo Kristus moonji'i komampuan husus ko kito siku'-monyiku' sosuai agatn kohonda'-Nyo.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

Yakobus 1:18

Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.