1 Korintus 11:30 - Porjanjian Boharu Torjomahan Baso Dilakng Soari-ari

³⁰ Nantaiam alasannyo banya' doi' kaitn monjadi lomah huatan sakit. Cukup banya' jam inyo udah bomatian.

1 Korintus 11:30 ပူးပေါင်းရင်းမြစ်များ

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.

1 Tesalonika 4:14

Apo kito pocayo obai Yesus mati huatan udah bobali' hidup. Obai nantai, kito yakitn obai boko urakng pocayo ko Yesus inyo udah mati paca'an hidup agi' jam. Obai nantai, kito yakitn obai molalu'i Yesus, Allah paca'an mongumpulan boko urakng pocayo inyo udah mati bosamo-samo agatn Yesus.

1 Korintus 15:51

Dinga'anbo! Aku honda' momadahan sosuatu ko kaitn inyo komai kinyo dikotohu'i urakng: Kinyo somuo kito paca'an mati. Apo Allah paca'an morubah bukakng-tubuh kito somuo watu trompet toahir bobunyi. Nantai tojadi dalapm watu sopongirap mo. Allah paca'an bulah boko urakng mati monjadi hidup agi'. Sia' paca'an diubah oca' ulih hidup somanah-manahnyo. Somuo kito inyo ija' hidup watu nantai paca'an diubah sama'an nantai jam.

1 Korintus 11:32

Apo aman Tuhatn mohukupm kito inyo pocayo ko Sio, boroti Sio mondidik kito oca' kito nononyo kinyo paca'an dihukupm bosamo agatn urakng bukai di dunia ni'in inyo co pocayo.

Kisah Boko Rasul 13:36

Daud molabuhan kohonda' Allah pado watu io hidup mo. Io mati ongko dipasaran di tompat inyo samo agatn angki-bayatnnyo. Bangkai Daud memang monjadi buru' di pasaran nantai.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

1 Korintus 11:29

Obai, aman io makatn huatan minum dalapm acara nantai apo kinyo moaku'i bukakng-tubuhTuhatn, io paca'an dihukupm.

1 Korintus 11:31

Apo aman kito boriso'i diri kito doholu, ongko kito co paca'an dihukupm.