1 Korintus 11:3 - Porjanjian Boharu Torjomahan Baso Dilakng Soari-ari

³ Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

1 Korintus 11:3 ပူးပေါင်းရင်းမြစ်များ

Kolose 3:18

Ko somuo botina' inyo udah bolaki aku bopandir: kaitn gola' tundu' ko laki kaitn, obai nantaiam inyo cucu' di dalapm Tuhatn.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

1 Korintus 3:23

Apo somuo kaitn umputn Kristus. Huatan Sio pan umputn Allah.

Efesus 4:15

Apo kito pocayo agatn kuat ajaran inyo bondar huatan agatn hati inyo mongasihi urakng bukai. Agatn sama'an nantai, kito botumbuh monjadi samo sama'an Kristus, pomimpitn kito. Sio samo sama'an kopala'

1 Petrus 3:1

Ubo nian jam, kaitn boko bini: Kaitn gola' mohormati laki kaitn sobagai kopala' koluarga, biar pan laki kinyo monuruti Pomandiran Allah. Kaitn gola' molabuhan nantai oca' sia' dapat monjadi pocayo. Kaitn pompadohan mongatoan la'apo pan ko sia'.

Kolose 2:19

Io tongga' pocayo ajaran inyo bondar mongona'i Kristus. Kristus inyo momimpitn somuo urakng pocayo samo sama'an kopala' bokuaso ko bukakng-tubuhnyo. Kopontikan bukakng-tubuh nantai diponuhi huatan bukakng-tubuh nantai totap sobuti' obai ado hubukan agatn inyo bukainyo. Kopala' nantai moatur somuonyo oca' bukakng-tubuh-Nyo botumbuh sama'an inyo dikohonda'i Allah.

Kolose 2:10

Ni'in, obai kaitn hidup bosatu agatn Kristus, ongko kaitn udah dionji'i somuo inyo kaitn pontikan socaro rohani. Kristusnam inyo bokuaso di pucu' somuo kuaso di dunia huatan di pucu' somuo roh inyo ado kuaso.

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.