1 Korintus 11:26 - Porjanjian Boharu Torjomahan Baso Dilakng Soari-ari

²⁶ Sobab, sotiap kali kaitn bopua' roti huatan minum anggur dalapm porjamuan ni'in, kaitn momboritoan komatian Tuhatn sampai Sio datakng agi'.

1 Korintus 11:26 ပူးပေါင်းရင်းမြစ်များ

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Yohanes 14:3

Lopas Aku botula' monyodia'an tompat pakai' kaitn, Aku paca'an bobali' agi' lalu mombaba' kaitn ko tompat nantai. Aku paca'an molabuhan nantai oca' di mono Aku ado, di santai jam kaitn ado.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

Kisah Boko Rasul 1:11

Koduo urakng nantai bopandir, “Oi boko urakng doi' doerah Galilea. Jangan kaitn ija' bodiritn di si'itn, monongadah ko langit. Kaitn udah moniant Yesus noi' ko sorugo doi' antaro kaitn. Nononyo, Sio paca'an datakng agi' agatn caro inyo samo ubo nantaiam.”

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.

Yohanes 21:22

Timbas Yesus, “Jangan bopikir mongona'i roncana-Ku pakai' urakng bukai. Soandainyo, Aku honda' oca' io totap hidup sampai Aku datakng agi', nantai bukainyo urusan kolai. Apo Aku monyiuh kolai: Tuyut Aku.”

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.

1 Tesalonika 4:16

Nononyo, paca'an ado saro borakng inyo moonji'i porintah. Pomimpitn molekat paca'an mondorah. Trompet Allah paca'an bobunyi. Tuhatn Yesus paca'an turutn doi' sorugo. Watu nantai, urakng inyo pocayo ko Kristus inyo udah mati paca'an lobih doholu bobali' hidup.

1 Korintus 15:23

Apo ado urutannyo. Potamo, Allah bulah Kristus bobali' hidup. Lopas nian, watu Kristus bobali' ko dunia ni'in, ongko Allah paca'an bulah boko urakng umputn Kristus bobali' hidup.

2 Tesalonika 1:10

Hukupan nantai paca'an tojadi timpu Yesus datakng agi'. Watu Sio datakng agi' somuo urakng inyo pocayo ko Sio momuji huatan hiratn agatn Sio. Sio paca'an dipuji obai Sio bulah sia' monjadi borosih doi' dosa. Kaitn tomansu' kolompok urakng nantai obai kaitn udah pocayo somuo inyo koi sampaian ko kaitn.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Yohanes 21:23

Obai Yesus momadahan nantai, toboritoam kabar di antaro boko urakng pocayo obai murid-Nyo nantai kinyo paca'an mati. Padohal Yesus co momadahan obai murid-Nyo nantai co paca'an mati, Yesus ongkah momadahan, “Soandainyo, Aku honda' oca' io totap hidup sampai Aku datakng agi', nantai bukainyo urusan kolai.”