1 Korintus 11:23 - Porjanjian Boharu Torjomahan Baso Dilakng Soari-ari

²³ Apo aman kaitn bokumpul, rayaancam Porjamuan Tuhatn agatn caro inyo udah ku sampaian ko kaitn. Tuhatn siku' udah moajaran nantai ko aku. Ia'an: Sobolupm Yesus disorahan ko boko musuh-Nyo, timpu malapm inyo samo nantai Sio bokumpul agatn boko murid-Nyo. Yesus monguti' roti

1 Korintus 11:23 ပူးပေါင်းရင်းမြစ်များ

Matius 26:17

Pas datakng watunyo mula'i morayaan Ari Rayo roti Kinyo Boragi. Jadi, watu ari potamo dalapm poraya'an nantai, boko murid Yesus datakng ko Sio. Kato sia', “Di mono inyo Duatn kohonda'i koi monyiap'an pomakatn pakai' poraya'an paskah pakai' Duatn?”

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 26:34

Lalu Yesus bopandir ko io, “Porotian ja'am! Watu malapm ni'in jam kolai paca'an momandiran obai kolai co konal agatn Aku sampai tigo kali sobolupm manu' bokuku'.”

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Lukas 22:17

Lopas nantai Yesus monguti' socangkir anggur, lalu bodoa bosukur ko Allah. Lopas nian Sio bopandir, “Kuti'cam ni'in, lalu pombagi-bagiancam.

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

1 Korintus 10:16

Watu kito morayaan Porjamuan Tuhatn, kito minum anggur ongko bosukur ko Allah. Nantai monunju'an obai kito bosokutu agatn darah Kristus. Huatan watu kito mombagi-bagian roti pakai' dipua'i sosamo, nantai monunju'an obai kito bosokutu agatn bukakng-tubuh Kristus.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.

Galatia 1:1

Ko inyo tohormat boko kolompok urakng inyo pocayo agatn Yesus di propinsi Galatia: Surat ni'in doi' aku, Paulus, huatan pan doi' somuo urakng pocayo inyo ado bosamo agatn aku. Aku monjadi rasul bukainyo obai dipilih monsio, pan kinyo diutus ulih monsio. Aku dipilih huatan diutus ulih Rajo Inyo Dijanjian Allah, pakai' momboritoan Kabar Boi' ulih Allah Bopai. Aku pan diutus ulih Allah Bopai inyo bulah Yesus bobali' hidup doi' komatian.

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.