1 Korintus 11:16 - Porjanjian Boharu Torjomahan Baso Dilakng Soari-ari

¹⁶ Aman ado urakng inyo honda' bopandir molawatn kobiasa'an ni'in, gola' diingant'an, koi co nyiant kobiasa'an inyo songkayo doi' nantai. Somuo kumpulan urakng pocayo monuruti kobiasa'an nantai.

1 Korintus 11:16 ပူးပေါင်းရင်းမြစ်များ

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

Kisah Boko Rasul 21:24

Tuyutcam bosamo sia' dalapm upacara inyo bulah sia' borosih agi' socaro rohani. Botula'cam samoan sia' ko tongahlamanan Rumah Allah. Bayaricam ungkus pakai' kurbatn inyo sia' paca'an posombahan ko Allah. Jadi, sia' ulih monota' rambutsobagai tando obai sia' udah bolampah nantai. Watu boko urakng moniant kolai bulah ubo nian, sia' paca'an tohu obai kolai totap mohormati huatan monaati boko porintah Allah inyo ditulis Musa dalapm buku Hukupm Torat. Jadi, sia' paca'an tohu borito mongona'i kolai inyo komai didinga' sia' samo sokali kinyo bondar.

Kisah Boko Rasul 21:21

Boko urakng Yahudi inyo pocayo di Yerusalem udah mondinga' obai kolai mongajar boko urakng Yahudi inyo monotap di doerah boko banso inyo bukainyo banso Yahudi. Sia' mondinga' jam obai kolai momandiran ko boko urakng Yahudi nantai oca' jangan sonjumpat'an agi' adat-baso kito urakng Yahudi sama'an monyunant boko ana' sia'. Jadi, di si'itn sia' monyangko obai kolai mongajar boko urakng Yahudi oca' co monaati Hukupm Torat agi'.

1 Korintus 16:1

Ni'inan aku honda' monulis mongona'i duit inyo paca'an dikumpulan pakai' monulukng boko jomaat di Yerusalem. Aku honda' oca' kaitn moikuti poraturan inyo udah ku onju' ko jomaat di doerah Galatia. Ni'innam poraturannyo:

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

1 Korintus 9:1

Allah udah mombebasan aku. Malahan aku udah moniant Yesus, Tuhatn kito. Aku bondar-bondar rasul inyo diutus Tuhatn. Malahan, kaitn pan ia'an hasil pokoroja'an inyo ku labuhan bagi Tuhatn.

1 Korintus 9:6

Urakng bukai inyo molayati kaitn kinyo gola' bogoyap pogota'an bukai pakai' moncukupi kopontikan hidup. Jadi, sobondarnyo aku huatan Barnabas pan bohak pakai' mondapat'an ungkus hidup soari-ari doi' kaitn.

1 Korintus 11:15

Apo pakai' botina', rambut panjakng nantai sosuatu inyo dihormati. Obai, Allah moonji'i rambut ko botina' pakai' monungkau'i kopala'nyo.