1 Korintus 10:7 - Porjanjian Boharu Torjomahan Baso Dilakng Soari-ari

⁷ Jangan kaitn monyombah boko duato sama'an boboropo doi' sia'. Musa monulis mongona'i porbuatan sia' nantai di Buku Suci. Ubo ni'in tulisannyo: “Boko urakng nantai makatn, minum ongko bonari pakai' monyombah duato nantai.”

1 Korintus 10:7 ပူးပေါင်းရင်းမြစ်များ

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

1 Korintus 10:14

Obai somuo nantai, boko somadikan inyo ku kasihi, jangan kaitn monyombah boko duato.

1 Korintus 5:11

Apo ni'in aku monulis oca' kaitn co bokawal agatn urakng inyo mongaku' pocayo ko Yesus, apo io ija' bomporajoan, ija' kaha', ija' monyombah lompatukng, gala' bojahat urakng bukai, gala' komabu'an, huatan ija' morampas barakng urakng. Jangan sampai makatn pan bosamo urakng sama'an nian.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

1 Korintus 8:7

Apo ado boko urakng inyo bolupm mongotohu'i somuo nantai. Komainyo nantai sia' udah biaso momposombahan dagikng bonatakng ko boko duato. Biar pan watu ni'in udah pocayo ko Yesus, sia' ija' bopikir aman bopua' dagikng nantai boroti monyombah duato. Sampai ni'in hati sia' kurakng yakitn jadi sia' mooso bosalah aman sia' bopua' dagikng nantai.

1 Yohanes 5:21

Poana'anku, jangan kaitn sampai monyombah boko lompatukng damo la'apo pan.