1 Korintus 10:4 - Porjanjian Boharu Torjomahan Baso Dilakng Soari-ari

⁴ Somuo sia' minum ara'i inyo samo doi' Allah. Ara'i nantai hala mancur doi' batu. Sobondarnyo Kristus ia'an batu nantai obai Sio hala molinduki huatan momborokati sia' urakng Israel nantai.

1 Korintus 10:4 ပူးပေါင်းရင်းမြစ်များ

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 7:37

Ari toahir doi' pogai Pondu' Doutn nantai udah datakng watunyoam. Nantai ari inyo kotakan pontikng doi' pogai nantai. Di tongahlamanan Rumah Allah, Yesus bodiritn lalu bopandir borakng, “Sopo aja' inyo korahakan, datakng ko Aku pakai' minum!

Kolose 2:17

Somuo poraturan nantai bayo bayakan doi' la'apo inyo paca'an datakng. Apo konyata'an doi' somuo poraturan nantai ia'an Kristus!

Ibrani 10:1

Porintah ongko poraturan di dalapm Hukupm Torat bayo sama'an kiasan mo doi' boko hal inyo boi' inyo datakng molalu'i Kristus. Hukupm Torat nantai kinyo monunju'an kosolamant'an inyo sobondarnyo. Obai nantai, boko urakng inyo datakng torus-monorus mombaba' posombahan inyo samo sotiap tohutn, sia' kinyo mungkitn monjadi sompurna di hadapan Allah agatn caro monuruti Hukupm Torat sama'an nantai.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.