1 Korintus 10:33 - Porjanjian Boharu Torjomahan Baso Dilakng Soari-ari

³³ Pulahcam samo sama'an inyo ku pulah. Aku hala bousaha oca' somuo porbuatanku kinyo bulah sopo pan tosinggukng. Aku hala moutamoan inyo toboi' pakai' urakng banya', daripado inyo toboi' pakai' diriku siku'. Aku molabuhan somuo nantai oca' sia' ulih disolamant'an.

1 Korintus 10:33 ပူးပေါင်းရင်းမြစ်များ

Galatia 1:10

Agatn pomandiran nantai, udah jolas aku kinyo bousaha monyonangan monsio. Aku bayo bousaha monyonangan hati Allah mo! Soandainyo aku bousaha monyonangan monsio, nantai paca'an bulah aku co agi' monjadi hulutn umputn Rajo Inyo Dijanjian Allah.

1 Korintus 10:24

Jadi, watu kaitn molabuhan sosuatu, pikiran cam mongona'i inyo boi' pakai' urakng bukai, daripado inyo toboi' pakai' diri kaitn siku'.

2 Korintus 12:19

Somanahan ni'in, kaitn bopikir obai koi bousaha mombela diri tohadap kaitn. Apo, boko somadikan inyo ku kasihi, sobondarnyo ninam tujuan koi: (Koi mongatoan ni'in di hadapan Allah ongko sobagai urakng inyo hidup di dalapm Kristus.) Somuo inyo koi labuhan ia'an pakai' monulukng kaitn somongkitn kuat pocayo agatn Tuhatn.

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Roma 12:5

Ubo nian jam agatn kito. Kito banya' urakng, apo kito samo sama'an sobukakng dalapm Kristus. Masikng-masikng kito ado hubukan agatn anggota inyo bukai.

1 Korintus 13:5

Urakng inyo mongasihi nantai ia'an urakng kinyo botindak agatn kasar. Io kinyo bayo momikiran kopontikan dirinyo siku'. Io kinyo copat godi. Io kinyo moingant-ingant kosalahan urakng bukai.

2 Korintus 12:14

Porotianbo! Aku udah siap monjongu' kaitn kotigo kalinyo. Timpu nantai, aku totap kinyo tajahan jadi bobatn pakai' kaitn. Obai, aku cuku goyap kodampuan kaitn apo aku monggoyapi kaitn. Nantai wajar, obai kaitn samo sama'an boko bobia'ku. Boko bobia' kinyo gola' mongumpulan kodampuan pakai' urakng tuhonyo. Urakng tuhonam inyo gola' mongumpulan kodampuan pakai' poana'annyo.

Filipi 2:21

Somuo urakng bukai bayo momporhatian kopontikan sia' siku' bukainyo kopontikan Yesus Kristus.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.