1 Korintus 10:27 - Porjanjian Boharu Torjomahan Baso Dilakng Soari-ari

²⁷ Sama'an nantai jam, aman ado urakng inyo bolupm pocayo mohundakng kaitn makatn di rumahnyo. Aman kaitn honda' tuyut, ulih mo. Kaitn ulih bopua' la'apo ja' inyo tongahan ko kaitn. Padohan botakutn aman ado di antaro pomakatn nantai inyo diposombahan ko boko duato. Hati kaitn kinyo pontikng mooso bosalah aman bopua' pomakatn nantai.

1 Korintus 10:27 ပူးပေါင်းရင်းမြစ်များ

1 Korintus 10:25

Dalapm Buku Suci ado totulis: “Tuhatn mo inyo umputn bumi huatan somuo isinyo.” Obai nantai, kaitn ulih bopua' dagikng la'apo pan inyo dijual di pasar. Padohan botakutn aman dagikng nantai boasal doi' bonatakng inyo diposombahan ko boko duato. Hati kaitn kinyo pontikng mooso bosalah aman bopua' dagikng nantai.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 1:13

Obai, koi bayo monulis boko hal inyo dapat kaitn baco ongko ngoroti. Kaitn udah dapat ngoroti sobagi'an. Apo, ubo nantai jam, aku boharap kaitn paca'an mongoroti somuonyo. Agatn ubo nantai, aku boharap watu Tuhatn Yesus datakng, kaitn paca'an bangga ko koi samo sama'an koi paca'an bangga ko kaitn.

Lukas 19:7

Apo boko urakng inyo moniant Yesus botula' ko rumah Zakheus botuta'. Kato sia', “Uai! Sio monoluntukng di rumah urakng inyo bodosa.”

Lukas 15:23

Lopas nian kuti' ana' sapi inyo gomu' huatan sombolihcam. Kito paca'an makatn huatan pogai.