1 Korintus 10:25 - Porjanjian Boharu Torjomahan Baso Dilakng Soari-ari

^25-26 Dalapm Buku Suci ado totulis: “Tuhatn mo inyo umputn bumi huatan somuo isinyo.” Obai nantai, kaitn ulih bopua' dagikng la'apo pan inyo dijual di pasar. Padohan botakutn aman dagikng nantai boasal doi' bonatakng inyo diposombahan ko boko duato. Hati kaitn kinyo pontikng mooso bosalah aman bopua' dagikng nantai.

1 Korintus 10:25 ပူးပေါင်းရင်းမြစ်များ

1 Korintus 8:7

Apo ado boko urakng inyo bolupm mongotohu'i somuo nantai. Komainyo nantai sia' udah biaso momposombahan dagikng bonatakng ko boko duato. Biar pan watu ni'in udah pocayo ko Yesus, sia' ija' bopikir aman bopua' dagikng nantai boroti monyombah duato. Sampai ni'in hati sia' kurakng yakitn jadi sia' mooso bosalah aman sia' bopua' dagikng nantai.

1 Timotius 4:4

Somuo inyo dipulah Allah nantai boi', tomansu' somuo pomakatn. Co nyiant pomakatn inyo pomali asal ditorima' agatn oso sukur ko Allah.

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Roma 14:14

Obai aku bosatu agatn Tuhatn Yesus, jadi aku tohu obai conyiant ado la'apo pan inyo pomali. Aku yakitn mongona'i nantai. Apo, aman ado urakng inyo bopikir obai ado sosuatu inyo campah, memang bagi io hal nantai pomali.

Roma 13:5

Nantaiam sobabnyo kolai gola' monaati pomorintah, bukainyo obai kolai gola' dihukupm ulih Allah, apo obai hati kolai tohu nian boi'.

Kisah Boko Rasul 10:15

Apo Allah bopandir pakai' koduo kalinyo, “Aman Aku bopandir sosuatu boi' mo, jangan kolai bopandir purih.”