1 Korintus 10:23 - Porjanjian Boharu Torjomahan Baso Dilakng Soari-ari

²³ Ado boko urakng bopikir, “Somuonyo ulih pakai' kito.” Pikiran nantai kinyo salah. Memang bondar kito hidup bebas. Apo kinyo somuo porbuatan boguno. Kinyo somuo porbuatan bulah urakng bukai monjadi lobih kuat socaro rohani.

1 Korintus 10:23 ပူးပေါင်းရင်းမြစ်များ

Roma 14:15

Aman kolai bopua' sosuatu inyo somadikan kolai bopikir campah, jadi kolai monyakiti hati io. Rotinyo, kolai co hidup agatn caro inyo mongasihi urakng bukai. Kristus udah mati pakai' monyolamant'an somadikan kolai nantaiam. Jadi, jangannam kolai mombulah io bonaso obai mosalah lapo inyo kolai pua'i.

1 Korintus 14:12

Ubo nian jam agatn kaitn. Memang kaitn kotakng honda' dionji'i boko komampuan husus doi' Roh Allah. Apo, soharusnyo kaitn mongohonda'i boko komampuan husus nantai oca' kaitn sobondarannyo ulih monguat'an urakng bukai inyo pocayo.

1 Korintus 14:17

Biar pan kaitn moucap sukur agatn caro inyo kotakng boi', apo caro nantai kinyo monguat'an urakng bukai.

1 Korintus 14:26

Jadi ubo ni'in boko somadikan: Watu kaitn bokumpul pakai' sombayakng, ado inyo monyanyi lagu pujian, ado inyo moajaran sosuatu, ado inyo monyampaian sosuatu inyo Allah poniant'an ko io, ado inyo bopandir pakai baso roh, ado inyo monjolasan roti doi' pomandiran dalapm boko baso nantai. Somuo nantai gola' dilabuhan pakai' monguat'an urakng bukai.

1 Korintus 6:12

Ado inyo bopikir, “Somuonyo ulih pakai' kito.” Apo ingant cam obai kinyo somuo hal boguno pakai' kito ubo nian jam pakai' urakng bukai. Jadi la'apo pan ulih mo pakai'ku, apo aku co honda' hidupku dikuaso'i la'apo pan di dunia ni'in.

1 Korintus 8:1

Ni'in mongona'i dagikng bonatakng inyo diposombahan ko boko duato. Ado boko urakng bopandir, “Somuo kito ado pongotohuan.” Apo aman siku' urakng ado ‘pongotohuan husus’, ongko urakng nantai jadi buhau. Sobondarnyo kito gola' mongasihi urakng bukai. Nantaiam caronyo kito bulah urakng bukai monjadi lobih kuat socaro rohani.

1 Korintus 8:9

Jadi, kaitn memang bebas aman honda' makatn. Apo, ingant agatn kaitn co bulah sia' inyo kurakng yakitn nantai molabuhan kosalahan.

2 Korintus 12:19

Somanahan ni'in, kaitn bopikir obai koi bousaha mombela diri tohadap kaitn. Apo, boko somadikan inyo ku kasihi, sobondarnyo ninam tujuan koi: (Koi mongatoan ni'in di hadapan Allah ongko sobagai urakng inyo hidup di dalapm Kristus.) Somuo inyo koi labuhan ia'an pakai' monulukng kaitn somongkitn kuat pocayo agatn Tuhatn.

Efesus 4:29

Aman kaitn bopandir, jangan momakai boko pandir inyo jahat. Apo pakaicam boko pandir inyo boi' pakai' monguat'an hati urakng bukai sosuai agatn kopontikan sia'. Agatn sama'an nantai boko urakng inyo mondinga' pandir nantai bodapat koboi'an.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.

1 Timotius 1:4

Huatan oca' sia' jangan tolalu borotian boko kisah sangan damo boko daptar koturutan inyo co nyiant kotuntukannyo. Boko ajaran sama'an nantai bayo bulah boko urakng bomparakan mulut huatan co nyiant gunonyo pakai' hajat Allah, inyo kito kotohu'i agatn pocayo ko Sio.