1 Korintus 10:15 - Porjanjian Boharu Torjomahan Baso Dilakng Soari-ari

¹⁵ Aku bopandir ko kaitn obai aku tohu kaitn boko urakng pintar-corodi'. Jadi, kaitn siku' ulih momutusan aman pomandiranku ni'in bondar cado.

1 Korintus 10:15 ပူးပေါင်းရင်းမြစ်များ

1 Tesalonika 5:21

Apo ditoliti somuo hal apobai bondar-bondar doi' Allah kata'an cado. Kaitn gola' pocayo agatn boko hal inyo boi'.

1 Korintus 8:1

Ni'in mongona'i dagikng bonatakng inyo diposombahan ko boko duato. Ado boko urakng bopandir, “Somuo kito ado pongotohuan.” Apo aman siku' urakng ado ‘pongotohuan husus’, ongko urakng nantai jadi buhau. Sobondarnyo kito gola' mongasihi urakng bukai. Nantaiam caronyo kito bulah urakng bukai monjadi lobih kuat socaro rohani.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Korintus 11:13

Cubo kaitn pikiran siku' mongona'i hal ni'in: Apobai cucu' pakai' siku' urakng botina' pakai' bodoa ko Allah aman co nyiant koitn korudukng?

1 Korintus 6:5

Aku mongatoan sama'an ni'in oca' kaitn mooso malu. Pasti ado urakng di antaro kaitn inyo cukup pintar-corodi' pakai' bulah koputusan dalapm boko pokaro di antaro boko urakng pocayo.

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

1 Korintus 10:14

Obai somuo nantai, boko somadikan inyo ku kasihi, jangan kaitn monyombah boko duato.

1 Korintus 10:16

Watu kito morayaan Porjamuan Tuhatn, kito minum anggur ongko bosukur ko Allah. Nantai monunju'an obai kito bosokutu agatn darah Kristus. Huatan watu kito mombagi-bagian roti pakai' dipua'i sosamo, nantai monunju'an obai kito bosokutu agatn bukakng-tubuh Kristus.