1 Korintus 10:14 - Porjanjian Boharu Torjomahan Baso Dilakng Soari-ari

¹⁴ Obai somuo nantai, boko somadikan inyo ku kasihi, jangan kaitn monyombah boko duato.

1 Korintus 10:14 ပူးပေါင်းရင်းမြစ်များ

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

1 Yohanes 5:21

Poana'anku, jangan kaitn sampai monyombah boko lompatukng damo la'apo pan.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.

2 Korintus 7:1

Boko somadikan inyo ku kasihi! Somuo janji Allah nantai pakai' kito. Obai nantai, marabo kito monjago bukakng-tubuh ongko roh kito oca' borosih doi' somuo hal inyo jahat. Agatn sama'an nantai, kito mongkitn hidup husus pakai' Allah kapikng kito gola' agatn Sio.

2 Korintus 6:17

Obai nantai am, Tuhatn Allah bopandir, “Koluar cam doi' boko urakng inyo kinyo pocayo agatn Aku. Songkayoan diri kaitn doi' sia'. Jangan moncama' boko hal inyo campah. Aman kaitn molabuhan boko porintah-Ku nantai, jadi Aku tajahan monorima' kaitn.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 2:14

Apo, Aku moolikan kaitn obai boboropo hal ni'in: Ado boboropo urakng di antaro kaitn inyo tuyut ajaran salah samo sama'an ajaran Bileam joman komai. Bileam mongajar Balak pakai' bulah urakng Israel jatu' ko dalapm dosa, ia'an oca' sia' bopua' dagikng doi' bonatakng inyo diposombahan ko songiang-duato, ongko oca' sia' bulah dosa bomporajoan.

1 Korintus 10:7

Jangan kaitn monyombah boko duato sama'an boboropo doi' sia'. Musa monulis mongona'i porbuatan sia' nantai di Buku Suci. Ubo ni'in tulisannyo: “Boko urakng nantai makatn, minum ongko bonari pakai' monyombah duato nantai.”

2 Korintus 11:11

Hibo aku co mominto la'apo pan doi' kaitn? Kata'an obai aku co mongasihi kaitn ai? Allah udah tohu obai aku mongasihi kaitn!

Roma 12:19

Boko somadikan inyo ku kasihi! Jangan kaitn siku' mombalas dondapm. Apo biar Allah inyo mohukupm boko urakng bukai. Obai ado inyo totulis dalapm Buku Suci: “Tuhatn bopandir, ‘Bayo Aku mo inyo bohak mombalas. Aku tajahan mohukupm sia'!’ ”

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

2 Korintus 12:15

Jadi, aku sonang mongurbatan umputnku. Malahan, aku siap monyorahan diriku siku' pakai' monulukng kaitn. Jadi, aman aku mongkitn mongasihi kaitn, pasti kinyo boi' aman kaitn mongkitn kurakng mongasihi ku!

Filemon 1:1

Surat ni'in doi' aku, Paulus. Aku di ponjara obai aku molayati Kristus Yesus. Salapm jam doi' Timotius, somadikan kito. Surat ni'in ko Filemon inyo tokasih. Inyo bokorojosamo agatn koi molayati Tuhatn.

2 Korintus 12:19

Somanahan ni'in, kaitn bopikir obai koi bousaha mombela diri tohadap kaitn. Apo, boko somadikan inyo ku kasihi, sobondarnyo ninam tujuan koi: (Koi mongatoan ni'in di hadapan Allah ongko sobagai urakng inyo hidup di dalapm Kristus.) Somuo inyo koi labuhan ia'an pakai' monulukng kaitn somongkitn kuat pocayo agatn Tuhatn.

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

1 Korintus 5:11

Apo ni'in aku monulis oca' kaitn co bokawal agatn urakng inyo mongaku' pocayo ko Yesus, apo io ija' bomporajoan, ija' kaha', ija' monyombah lompatukng, gala' bojahat urakng bukai, gala' komabu'an, huatan ija' morampas barakng urakng. Jangan sampai makatn pan bosamo urakng sama'an nian.

1 Korintus 10:15

Aku bopandir ko kaitn obai aku tohu kaitn boko urakng pintar-corodi'. Jadi, kaitn siku' ulih momutusan aman pomandiranku ni'in bondar cado.

1 Korintus 10:19

La'apo masudku inyo sobondarnyo? Aku co bomasud aman boko duato bondar-bondar hidup. Aku pan co bomasud aman dagikng inyo diposombahan ko boko duato nantai kinyo lobih boroti daripado dagikng biaso.

Ibrani 6:9

Apo, boko somadikan inyo tokasih, biar pan koi bopandir mongona'i hukupan sama'an nantai, koi yakitn obai kaitn udah monorima' boko hal inyo lobih boi' sampai kaitn paca'an disolamant'an.