1 Korintus 10:13 - Porjanjian Boharu Torjomahan Baso Dilakng Soari-ari

¹³ Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

1 Korintus 10:13 ပူးပေါင်းရင်းမြစ်များ

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Lukas 11:4

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Lukas 16:26

Apotolagi' Allah udah monotap'an sobuah jurakng di antaro kito. Jurakng inyo kotakng bosar sampai kinyo mungkitn disoboraki. Urakng doi' si'itn kinyo ulih ko su'utn. Urakng inyo di su'utn kinyo ulih ko si'itn.’

Lukas 22:46

Sio monggagaian ongko bopandir ko sia', “Kaitn jangan tidu'! Bodoacam oca' kaitn co jatu' ko dalapm poncoba'an.”

Kisah Boko Rasul 27:44

Boko urakng inyo kinyo tohu bononang disiuh pakai' bokolayut ko boko papatn huatan boko kopocahan bukai doi' kapal nantai. Agatn caro sama'an nantai, somuo urakng tuntukng ko pantai agatn solamant.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

2 Korintus 1:10

Sio udah monyolamant'an koi doi' bohayo komatian nantai. Sio pan paca'an torus monyolamant'an koi. Koi yakitn ongko boharap ko Sio obai Sio paca'an monyolamant'an koi agi'.

1 Tesalonika 5:24

Allah udah moningkau kaitn. Allah pan hala sotia momonuhi janji-Nyo. Obai nantai, pasti Sio paca'an moonji'i komampuan ko kaitn pakai' monjadi suci.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

Ibrani 10:23

Mara kito yakitn moharap'an somuo inyo dijanjian Allah. Nantai am harapan inyo udah kito pocayo'i. Kito ulih moyakiti mongona'i nantai obai Sio inyo monjanjiannyo hala ulih dipocayo.

Ibrani 11:11

Obai Abrahapm pocayo, jadi io mampu mondapat koturutan biar pan io kotakng tuho am. Sama'an nian jam bininyo, Sara, manang. Apo, Abrahapm totap yakitn Allah tajahan monopat'i janji-Nyo.

Ibrani 12:4

Memang kaitn bojuakng molawatn dosa, apo bolupm kalo gola' sampai mati sama'an Yesus.

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

1 Petrus 4:19

Obai nantai, aman boko urakng mondorita' obai nantai kohonda' Allah, jangan am sia' botongga' bulah koboi'an. Apo sia' gola' monyorahan diri ko Sio inyo mombulah sia'. Sio hala sotia monopat'i somuo janji-Nyo.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.